قازاقستاننىڭ ەكى وبلىسىندا اۋا رايىنا قاتىستى ەسكەرتۋ جاريالاندى

استانا. قازاقپارات - قازاقستاننىڭ ەكى وبلىسىندا اۋا رايىنا قاتىستى ەسكەرتۋ جاريالاندى، دەپ حابارلايدى قازاقپارات ءتىلشىسى «قازگيدرومەتكە» سىلتەمە جاساپ.

سينوپتيكتەردىڭ حابارلاۋىنشا، 19 - ماۋسىم كۇنى شىعىس قازاقستان وبلىسىندا كەي جەرلەردە جاڭبىر جاۋىپ، نايزاعاي وينايدى جانە بۇرشاق جاۋۋى ىقتيمال. وڭتۇستىك- شىعىستان سوققان جەل سولتۇستىك- باتىسقا ويىسىپ، جىلدامدىعى سەكۋندىنا 17-22 مەتر بولادى، كۇندىز كەي جەرلەردە جەلدىڭ ەكپىنى سەكۋندىنا 23-28 مەترگە جەتەدى.

 قوستاناي وبلىسىندا سەيسەنبى كۇنى نايزاعاي ويناپ، بۇرشاق جاۋۋى مۇمكىن، سولتۇستىك- باتىستان سوققان جەلدىڭ جىلدامدىعى 15-20 م/س جەتەدى دەپ كۇتىلۋدە.

داۋىل تۇرۋى ىقتيمالدىلىعى - %90-95.