قىتايدا العاش رەت سيرەك كەزدەسەتىن «سيقىرلى قويان» بەينەكامەراعا ءتۇسىپ قالدى
بۇل تۋرالى IFLScience حابارلايدى. سيرەك كەزدەسەتىن قوياننىڭ بۇل ءتۇرى 1983 -جىلى عانا انىقتالىپ، 1985 -جىلى بەكىتىلگەن بولاتىن. سودان كەيىن شامامەن 20 جىلداي ۋاقىت قوياننىڭ بۇل ءتۇرى ەش جەردە كورىنبەگەن. ىلە شيقىلداعى دەپ اتالاتىن ەرەكشە قوياندى العاش رەت 2014 -جىلى عانا سۋرەتكە ءتۇسىرۋ مۇمكىن بولدى. سودان كەيىن جانۋارلار مەكەندەۋى مۇمكىن دەگەن جەرلەرگە بەينەكامەرا ورناتىلدى. بۇل سيرەك كەزدەسەتىن قويان وسىلايشا بەينەتاسپاعا ءتۇسىپ قالىپ، YouTube-تا جاريالاندى. بۇل سۋرەتتەر عالىمدارعا پاندادان گورى سيرەك كەزدەسەتىن قويانتەكسەس جانۋاردى كوبىرەك تانىپ- بىلۋگە كومەكتەسەدى. ىلە شيقىلداعى قىتايدىڭ سولتۇستىك- باتىسىنداعى شىنجاڭ پروۆينتسياسىنداعى تاۋلى تيان- شاندا كەزدەسەدى. ساراپشىلاردىڭ پىكىرىنشە، ىلە شيقىلداعىنىڭ پوپۋلياتسياسىنىڭ جالپى سانى 2 مىڭنان كەم ەمەس. جانۋارلاردىڭ دەنەسىنىڭ ۇزىندىعى شامامەن 20 سانتيمەتر.