كۇيزەلىسكە ۇشىراتاتىن الەۋمەتتىك جەلى قايسى؟

استانا. قازاقپارات - بەلگىلى بولعانداي، ادامنىڭ كوڭىل-كۇيىن تۇسىرەتىن، دەپرەسسياعا ۇرىندىراتىن الەۋمەتتىك جەلىلەر بار ەكەن.

بۇل تۋرالى نەمىس عالىمدارى ناقتى دالەلدەر كەلتىرگەن.

سونىمەن، ادامدى كۇيزەلىسكە ۇشىراتاتىن الەۋمەتتىك جەلىلەردىڭ كوشىن فوتوالماسۋ جانە ۆيدەوالماسۋ قىزمەتىن تەگىن ۇسىناتىن Instagram جەلىسى بولىپ شىقتى. مۇنداي پىكىردى بەرليندەگى گۋمبولد ۋنيۆەرسيتەتىنىڭ ماماندارى ايتقان.

ولار Facebook جەلىسىنە قاراعاندا Instagram ادام ميىن توپاستاندىرا تۇسەدى دەيدى. زەرتتەۋ اۆتورلارىنىڭ ايتۋىنشا، بۇل قوسىمشا تاني بەرمەيتىن مىڭداعان ادامنىڭ جاعاجايلارداعى دەمالىستا نەمەسە قىمبات بۋتيكتەر مەن مەيرامحانالاردا تۇسىرگەن سۋرەتىن كورەدى، ال بۇدان باسقا، كوپتەگەن ادام كورپەسىنە قاراي كوسىلىپ، بارا المايتىن جەرلەردە تۇسكەن الدەكىمنىڭ سۋرەتىنە قارايدى. بۇدان كەيىن ول ءوزىنىڭ كوپتەگەن «لايك» جيناي المايتىن سۋرەتتەرى بەينەلەيتىن ءوزىنىڭ ومىرىنە دەگەن كوڭىلى تولمايدى. بۇل قولدانۋشىنىڭ ومىرگە دەگەن قىزىعۋشىلىعىن جويىپ، قىزعانىش پەن جالعىزدىق سەزىمدەرىن تۋعىزاتىن كورىنەدى.

«سىزدەر ادامنىڭ باقىتىن انىق جانە انىق ەمەس فاكتورلار ارقىلى ولشەيسىزدەر، وزگەلەردىڭ ساتتىلىككە قول جەتكىزگەنىن ونىڭ پروفيلىندەگى سۋرەتتەرمەن بايلانىستىراسىڭدار» - دەيدى بەرليندەگى گۋمبولد ۋنيۆەرسيتەتىنىڭ مامانى حاننا كراسنوۆا امەريكاندىق Slate باسىلىمىنا بەرگەن سۇحباتىندا.

ادام جادىندا Facebook-تەگى جازبادان گورى سۋرەت كوپ ۋاقىتقا ساقتالىپ، قاتتى اسەر ەتە الادى.

ەستەرىڭىزگە سالا كەتەيىك، فەيسبۋك الەۋمەتتىك جەلىسى بۇعان دەيىن دەپررەسياعا ۇرىندىراتىن بىردەن ءبىر سايت بولىپ ەسەپتەلىپ كەلگەن، ونىڭ ۇستىنە عىلىمي دالەلدەنىپتى دە. ال رەسەيلىك رەسۋرس «ۆكونتاكتە» مامانداردىڭ ايتۋىنشا، سۋيتسيدكە اپاراتىن جەلى بولىپ شىققان.

 دەرەككوزى: "پ ت" توپتاماسىنان