قازاقستاندا بايلىققا سالىق سالىنا ما

استانا. قازاقپارات - ق ر ۇلتتىق ەكونوميكا ءمينيسترى تيمۋر سۇلەيمەنوۆ بايلىققا سالىق سالۋ ماسەلەسىنە قاتىستى ءوز كوزقاراسىن جەتكىزدى، دەپ حابارلايدى قازاقپارات ءتىلشىسى.

«ەستەرىڭىزدە بولسا، بىرنەشە جىل بۇرىن بىزدە قوزعالتقىش كولەمى ۇلكەن كولىكتەردىڭ سالىعى كوتەرىلگەن بولاتىن. ال قوزعالتقىشتىڭ كولەمى ۇلكەن بولسا، كولىكتىڭ باعاسى قىمبات دەگەن ءسوز. دەمەك، ونداي ادامداردان سالىقتى كوپ الادى. مەنىڭشە، جەر، مۇلىك پەن كولىك تۋرالى مالىمەتتىڭ ءبارى اقپاراتتىق بازالاردا بولعاندىقتان، وعان سالىق سالۋ قيىن ەمەس. سوندىقتان بايلىقتىڭ سالىعىن جالاقىدان ەمەس، جاڭاعى تىركەلگەن مۇلىكتەن الۋ كەرەك دە ويلايمىن. ءبىراق وعان دا ۇلكەن دايىندىقپەن كەلۋىمىز كەرەك. ازىرشە، ءبىز حالىقارالىق تاجىريبەنى زەردەلەپ جاتىرمىز. بيىل وسى ماسەلەگە قاتىستى ناقتى جوسپارلار جوق»، - دەدى ت. سۇلەيمەنوۆ حالىققا ەسەپ بەرۋ كەزدەسۋى كەزىندە.