مەكسيكادا جانكۇيەرلەر قۋانىپ سەكىرگەندە جەر سىلكىندى
مەكسيكا 35-مينۋتتا قازىرگى الەم چەمپيوندارىنا گول ەنگىزگەن كەزدە ارنايى قۇرىلعىلار جەر سىلكىنىسىن تىركەدى.
مەكسيكانىڭ گەولوگيالىق جانە اتموسفەرالىق زەرتتەۋلەر ينستيتۋتىنىڭ سەزىمتالدىعى جوعارى داتچيكتەرى گول سالىنعاننان كەيىن 7 سەكۋند وتكەن سوڭ مەحيكو قالاسىنىڭ ەكى اۋدانىندا جەر ءدۇمپۋى تىركەلگەنىن راستادى.
جانكۇيەرلەر ەلدىڭ تۋىن جەلبىرەتىپ، ءداستۇرلى سومبرەرو باس كيىمدەرىن كيىپ شىققان. ماتچتى ۇلكەن ەكراننان كورۋ ءۇشىن مىڭداعان ادام قالا ورتالىعىنداعى ەسكەرتكىشتىڭ ماڭىنا جينالعان.
مەكسيكا گەرمانيانى ماسكەۋدە 1:0 ەسەبىمەن جەڭگەن كەزدە جانكۇيەرلەر ەلدىڭ فۋتبولدىڭ بەيرەسمي ءانۇرانى، حالىق ءانى «Cielito Lindo»-نى شىرقاي باستاعان.
الەۋمەتتىك جەلىلەردە دە جانكۇيەرلەر گولكيپەر گيلەرمو وچاونىڭ ويىنىن ەسكەرىپ، ونىڭ مەكسيكانىڭ پرەزيدەنتى رەتىندە بەينەلەنگەن مەمدەرىن تاراتقان.
الداعى سەنبىدەگى روستوۆ- نا- دونۋ قالاسىنداعى ماتچتا مەكسيكا وڭتۇستىك كورەيامەن كەزدەسەتىن بولادى.