الماتىدا مىڭنان اسا مەملەكەتتىك قىزمەتشى ارقان تارتىپ، گىر تاسىن كوتەرۋدەن جارىستى

الماتى. قازاقپارات - الماتىدا مەملەكەتتىك قىزمەتكەرلەر سپورت تۇرلەرىنەن سىنعا ءتۇستى، دەپ حابارلايدى قازاقپارات اقپاراتتىق جانە سپورتتىق حاب-قا سىلتەمە جاساپ.

سپارتاكيادا «سپورتتىق الماتى» باعدارلاماسى اياسىندا ءۇشىنشى جىل قاتارىنان ۇيىمداستىرىلۋدا.

شاحمات، فۋتبول، ۆولەيبول، جەڭىل اتلەتيكا (ەستافەتا 4x100)، ۇستەل تەننيسى، قول كۇرەسى، گىر كوتەرۋ جانە ارقان تارتۋ سىندى سپورت تۇرلەرىنەن وتكەن جارىستارعا 1100-دەن استام ادام قاتىستى. جالپى سانى 45 كوماندا ءوزارا مىقتىنى انىقتادى.

سپارتاكيادا ەكى كۇنگە جالعاسىپ، ر س ك جانە قاز س ت ا-دا ءوتتى.

بارلىق قاتىسۋشىلار وتە قىزىقتى ءارى تارتىستى ويىنداردىن كۋاسى بولىپ، ۋاقىتتارىن كوڭىلدى وتكىزدى. سپارتاكيادانىڭ ناتيجەسىندە قۇقىق قورعاۋ ورگاندارىنىڭ اراسىندا جالپى كوماندالىق ەسەپتە الماتى قالاسىنىڭ توتەنشە جاعدايلار دەپارتامەنتى ءبىرىنشى ورىندى جەڭىپ الدى. ال ەكىنشى جانە ءۇشىنشى ورىندارعا سايكەسىنشە ىشكى ىستەر دەپارتامەنتى مەن كومەك قىزمەتى جايعاستى.

ال مەملەكەتتىك جانە اكىمشىلىك قىزمەتكەرلەر اراسىندا جەڭىس تۇعىرىنا الماتىنىڭ مەملەكەتتىك كىرىستەر دەپارتامەنتى كوتەرىلدى. ودان كەيىنگى ورىندارعا الماتى قالاسى قوعامدىق دەنساۋلىق ساقتاۋ دەپارتامەنتى مەن ناۋرىزباي اۋدانىنىڭ اكىمدىگى ورنالاستى.

جەڭىمپازدار مەن جۇلدەگەرلەرگە ديپلومدار، مەدالدار، سىيلىقتار جانە كۋبوكتار تابىس ەتىلدى.