پەنتاگون ا ق ش سيريانىڭ بۋ-كەمال قالاسىنا اۆياسوققى جاساعانىن تەرىسكە شىعاردى
«ءبىز (ا ق ش نەمەسە كواليتسيا) بۋ-كەمالدا اۆياسوققىلار جاساعان جوقپىز»، - دەپ جاۋاپ بەردى مينيسترلىك باسپا ءسوز قىزمەتىنىڭ وكىلى، تەڭىز اسكەرى كورپۋسىنىڭ مايورى ادريان رەنكين- گەللوۋەي Sana اگەنتتىگىنىڭ اقپاراتىنا قاتىستى پىكىر بىلدىرە وتىرىپ.
ايتا كەتەيىك، Sana اگەنتتىگىنىڭ جازۋىنشا، ا ق ش باسشىلىق ەتكەن كواليتسيا بۋ-كەمال قالاسىنان وڭتۇستىك-شىعىسقا قاراي ورنالاسقان سيريا ارمياسى پوزيتسيالارىنىڭ بىرىنە اۋەدەن سوققى جاسادى. سالدارىنان زارداپ شەككەندەر مەن قازا بولعاندار بار.
2018 -جىلدىڭ باسىنان بەرى دەير- ەز-زور، حاسەكە جانە راككا پروۆينسيالارىندا سيريانىڭ ونداعان ازاماتى ا ق ش اۆياتسياسى مەن ولاردىڭ وداقتاستارى جاساعان سوققىلار سالدارىنان قازا تاۋىپ، جارالاندى. سيريا ۇكىمەتى بەيبىت حالىقتىڭ ولىمىنە اكەلىپ جاتقان جانە شارۋاشىلىق نىساندارىنا زالال كەلتىرىپ وتىرعان كواليتسيانىڭ اۆياسوققىلارىن سىنعا الۋ تالابىمەن ب ۇ ۇ-نىڭ قاۋىپسىزدىك كەڭەسىنە بىرنەشە مارتە ءوتىنىش بىلدىرگەن بولاتىن.