دالا ورتىنەن كەيىن وسكەمەندى ءتۇتىن باسىپ قالدى

وسكەمەن. قازاقپارات - ەرتىس وزەنىندەگى ارالدا قۇرعاق ءشوپ وتقا وراندا، قازىر جالىنمەن ءورت سوندىرۋشىلەر كۇرەسىپ جاتىر، دەپ حابارلايدى قازاقپارات ءتىلشىسى شىعىس قازاقستان وبلىسى ت ج د- نىڭ باسپا ءسوز قىزمەتىنە سىلتەمە جاساپ.

ءورت سوندىرۋشىلەردى وقيعا ورنىنا شىعىس وڭىرلىك اەروۇتقىر جەدەل- قۇتقارۋ جاساعىنىڭ قۇتقارۋشىلارى جەتكىزدى. ءورت ەشقايدا جايىلمايدى، سەبەبى اينالاسى سۋمەن قورشالعان، الايدا كوپ اۋماقتى شارپىعاندىقتان، قويۋ ءتۇتىن كوتەرىلىپ قالا تۇرعىندارىنىڭ مازاسىن الدى.

قازىرگى ۋاقىتتا ءورت اۋىزدىقتالۋدا، ءورت سوندىرۋشىلەر ساپالاق (ءورت سوندىرەتىن قۇرال- اۆت.) جانە ارقاعا اسىلاتىن سوندىرگىش قۇرالدى قولدانىپ، جالىندى ءسوندىرىپ جاتىر. كوبىنە قۇرعاق ءشوپ پەن بۇتالار وتقا ورانعان. جەكە قۇرامنىڭ 20 قىزمەتكەرى بىرنەشە اۋماققا ءبولىنىپ، ىسكە كىرىستى. شىعىس وڭىرلىك اەروۇتقىر جەدەل- قۇتقارۋ جاساعى وزەندە قايىقپەن كەزەكشىلىك اتقارۋدا. شامامەن 30 گەكتار اۋماقتى جالىن شارپىعان.

ايتا كەتەيىك، دەمالىس كۇندەرى وبلىستا ورناعان ىستىق، قۇرعاق اۋا رايى سالدارىنان ءورت سوندىرۋشىلەر 50 اسا وسىنداي دالا ءورتىن سوندىرۋگە بارعان. سوڭعى ۋاقىتتا، دالا ءورتى جيىلەپ كەتتى جانە جەل بولماعاندىقتان كەشكە قاراي وسكەمەن قالاسىن ارالدان كەلگەن ءتۇتىن باستى. جاعدايدى تەرەكتىڭ ۇرپەكتەرى ۋشىقتىرۋدى. قاۋىپسىزدىك تالاپتارىن ەسكەرمەگەندەر جەرگە جينالىپ قالعان مامىققا ادامدار ءورت قويادى. ولار بۇل ارەكەتتىڭ سوڭ نەگە ۇرىندىراتىنىن ويلاپ جاتپايدى.