ماسكەۋدەگى كاسىپقوي بوكس كەشى: قازاقستاندىقتار قارسىلاستارىن نوكاۋتقا جىبەردى
بۇعان دەيىن حابارلاعانىمىزداي، كاسىپقوي بوكستاعى كەزەكتى جەكپە-جەكتەرىن ەدىل قوجامبەرديەۆ، يبراگيم ەسكەندىر جانە ءۋاليحان بيسەنقۇلوۆ وتكىزدى.
ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىندا ءمالىم ەتىلگەندەي، يبراگيم ەسكەندىر رەسەيلىك دميتري انتيپوۆتى ەكىنشى راۋندتا نوكاۋتقا ءتۇسىرىپ، مەرزىمىنەن بۇرىن جەڭىسكە جەتتى. سۋپەرورتا سالماقتاعى ايقاس ءتورت راۋندقا ەسەپتەلگەن بولاتىن. وسىلايشا، كاسىپقوي بوكسقا اۋىسقان قازاقستاندىق ءانشى ءوز مانسابىندا ءۇش ايقاس وتكىزىپ، ونىڭ ۇشەۋىن دە نوكاۋتپەن اياقتادى.
سونداي-اق كامەرۋن وكىلى كريستيان سالمانكقا قارسى ايقاسقان ەدىل قوجامبەرديەۆ جەڭىستى قولدان بەرمەدى. جەكپە-جەك باستالىسىمەن-اق ەدىل باسىمدىعىن كورسەتە باستاپ، كەزدەسۋدى ءبىرىنشى راۋندتا اياقتاپ تاستادى. كامەرۋندىق تەحنيكالىق نوكاۋتپەن جەڭىلدى.
ال «اداي» لاقاپ اتىنا يە ءۋاليحان بيسەنقۇلوۆ رودريگەستى ەكىنشى راۋندتا سۇلاتىپ سالدى.
ونىڭ قارسىلاسى - فرانسيانىڭ 27 جاستاعى بوكسشىسى مەكونگو رودريگەس. التى راۋندقا جوسپارلانعان ايقاس ءبىرىنشى راۋندتا اياقتالدى. «اداي» نوكاۋتپەن جەڭىسكە جەتتى.
ءۇش بوكسشىنىڭ بارلىعى جالعاس تۇكەشوۆ باسقاراتىن Tukeshov Boxing Promotions كومپانياسىنىڭ اتىنان شىعۋدا.