اقمولا وبلىسىندا تۇرمەدەن قاشقان اسا قاۋىپتى قىلمىسكەر ۇستالدى
«17 -ماۋسىم كۇنى ستەپنوگورسك قالاسىنداعى ە ت س-165/18 مەكەمەسىنەن اسا اۋىر قىلمىسى ءۇشىن جازاسىن وتەپ جاتقان ە. ج. قاسەنوۆ قاشىپ كەتتى. ىشكى ىستەر ورگاندارى كەشەندى شۇعىل-ىزدەستىرۋ شارالارىنىڭ ناتيجەسىندە سوتتالۋشىنىڭ ورنالاسقان جەرىن انىقتاپ، ول ۇستالدى»، - دەپ ءمالىم ەتتى ق ر ءى ءى م-نىڭ باسپا ءسوز قىزمەتىنەن.
اتالعان فاكتى بويىنشا قىزمەتتىك تەكسەرىس جۇرگىزىلۋدە.
ەسكە سالايىق، كەشە تۇندە ستەپنوگورسك قالاسىنداعى ە ت س-165/18 مەكەمەسىنەن كىسى ءولتىرۋ، زورلاۋ جانە ۇرلىق قىلمىستارى ءۇشىن جازاسىن وتەپ جاتقان 26 جاستاعى سوتتالۋشى قاشىپ كەتكەن بولاتىن.
اقمولا وبلىسىنىڭ پوليتسەيلەرى تۇرمەدەن قاشقان قىلمىسكەردى ۇستاۋ شارالارى قالاي ىسكە اسىرىلعانىن ايتىپ بەردى.
وبلىستىق ىشكى ىستەر دەپارتامەنتىنىڭ باسپا ءسوز قىزمەتىنەن ءمالىم ەتكەندەي، 17 -ماۋسىم كۇنى ساعات 19.30-دا ستەپنوگورسك قالاسىندا وسىندا ورنالاسقان قاتاڭ تارتىپتەگى كولونيادان قاشىپ كەتكەن سوتتالۋشى ۇستالدى.
«ۇستاۋ بارىسىندا ول اۆتوتۇراقتىڭ كۇزەتشىسىن تۇتقىنعا الدى. ءبىراق پوليتسيا قىزمەتكەرلەرىنىڭ ۋاقىتىلى قولدانعان شارالارىنىڭ ارقاسىندا تۇتقىن بوساتىلدى. ۇستاۋ وپەراتسياسى بارىسىندا ەشكىم زارداپ شەككەن جوق»، - دەپ اتاپ ءوتتى ۆەدومستۆودان.
