استانا- الماتى پويىزىمەن بولعان اپات قوزعالىس كەستەلەرىنە اسەر ەتپەيدى - ق ت ج

None
None
استانا. قازاقپارات - شۋ اۋدانىندا جولاۋشىلار پويىزى ۆاگوندارىنىڭ اۋدارىلۋى استانا-الماتى باعىتىنداعى پويىزداردىڭ قوزعالىس كەستەسىنە اسەر ەتپەيدى.

بۇل تۋرالى قازاقپارات ءتىلشىسى «قازاقستان تەمىر جولى» ا ق-نىڭ باسپا ءسوز قىزمەتىنە سىلتەمە جاساي وتىرىپ حابارلايدى.

تاراتىلعان مالىمەتكە سايكەس، «الماتى-1» تەمىرجول ۆوكزالىندا №10 «استانا- الماتى» پويىزىنىڭ جولاۋشىلارىنا قاجەتتى بارلىق كومەك كورسەتىلگەن. №10 پويىزدىڭ 400-گە تارتا جولاۋشىسى الماتىعا جەتكىزىلگەن.



«الماتى-1» تەمىرجول ۆوكزالىنا كەلگەن جولاۋشىلارعا مەديتسينالىق كومەك كورسەتىلدى. 10 جەدەل جاردەم قىزمەتىمەن جانە ۆوكزالدىڭ مەديتسينالىق پۋنكتىمەن كەزەكشىلىك ۇيىمداستىرىلدى»، - دەلىنگەن حابارلامادا.

جولاۋشىلارعا سونىمەن قاتار، قوسىمشا اقپاراتتىق- انىقتامالىق اۋماقتا تەمىرجول بيلەتتەرىنىڭ قۇنىن قايتارۋ بويىنشا كەڭەستەر بەرىلگەن.

«شۋ ستانسىسىنا، ياعني بەلگىلەنگەن پۋنكتكە ادامداردى جەدەل تۇردە جەتكىزۋ ءۇشىن 7 جولاۋشىلار ۆاگونى جونەلتىلدى»، - دەيدى «ق ت ج- جۇك تاسىمالى» ا ق الماتى فيليالىنىڭ ديرەكتورى سارسەبەك جاپاروۆ.



جولاۋشىلاردىڭ حابارلاۋىنشا، وقيعا بولعاننان كەيىن جولسەرىكتەر ولاردى بىردەن ۆاگونداردان سىرتقا الىپ شىققان. ارادا ءبىراز ۋاقىت وتكەننەن كەيىن تەمىرجولشىلار ادامداردى الماتىعا باسقا پويىزبەن جونەلتۋ مۇمكىندىگىن ۇيىمداستىرعان.

«اتالعان وقيعا استانا- الماتى ۋچاسكەسىندەگى پويىزدار قوزعالىسىنىڭ كەستەسىنە اسەر ەتپەيدى»، - دەلىنگەن حابارلامادا.

ەسكە سالا كەتسەك، استانادان الماتىعا بارا جاتقان جولاۋشىلار پويىزى اپاتقا ۇشىراعان بولاتىن. ءبىر جاس ءوسپىرىم بالا مەرت بولدى.

«قازاقستان تەمىر جولى» ۇلتتىق كومپانياسى ءسال كەيىنىرەك رەسمي مالىمدەمە جاساپ، وقيعانىڭ شىعۋ سەبەبىن تەكسەرەتىن ارنايى كوميسسيا قۇرىلعانىن جاريا ەتتى. قىلمىستىق ءىس قوزعالدى.

پويىزدا بولعان بارلىق 832 جولاۋشى بەلگىلەنگەن پۋنكتتەرىنە جەتكىزىلدى.

 

سوڭعى جاڭالىقتار