قازاقستاندىق اكتەر قىتايدا وتكەن كينوفەستيۆالدە ۇزدىك اكتەر اتاندى
«قازاق فيلم» كينوستۋدياسىنىڭ باسپا ءسوز قىزمەتىنەن ءمالىم ەتكەندەي، كينوفەستيۆال چيڭداۋ قالاسىندا ماۋسىمنىڭ 13 ى مەن 17 ى ارالىعىندا شاڭحاي ىنتىماقتاستىق ۇيىمىنا (ش ى ۇ) مۇشە ەلدەردىڭ كينو ماماندارىنىڭ قاتىسۋىمەن وتكەن.
قازاقستان رەسپۋبليكاسى مادەنيەت جانە سپورت مينيسترلىگىنىڭ تاپسىرىسى بويىنشا «اديگۋل پروداكشن» كينوكومپانياسىنىڭ قاتىسۋىمەن ش. ايمانوۆ اتىنداعى «قازاق فيلم» ا ق تۇسىرگەن «ءبىزدىڭ قالانىڭ حانزاداسى» كوركەم فيلمى جالعىزدىقتىڭ كۇيىن كەشىپ جۇرگەن بالالار ءۇيىنىڭ 6 جاسار تاربيەلەنۋشىسى مەن قارتتار ءۇيىنىڭ ارداگەرى اراسىنداعى دوستىعىن باياندايدى.
فيلمنىڭ رەجيسسەرى ءارى سەناري اۆتورى - قازاقستاننىڭ حالىق ءارتيسى تالعات تەمەنوۆ («ادامدار اراسىنداعى بولتىرىك»، «قىزعىش قۇس»، «ماحاببات بەكەتى»). باستى رولدەردى ءانۋار تولەۋعاجى جانە تولەۋبەك ارالباي («جاۋجۇرەك مىڭ بالا»، «جويۋشى»، «تىعىرىقتان جول تاپقان») سومدادى. سونىمەن قاتار، فيلمگە ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق-دراما تەاترىنىڭ (استانا قالاسى) اكتەرلەرى تۇسكەن.
فيلمنىڭ ءتۇسىرىلىم جۇمىستارى استانادا جانە اقمولا وبلىسىنىڭ بۋراباي اۋىلىندا وتكەن. كارتينانىڭ تۇساۋكەسەرى 2017 -جىلى 1 -ماۋسىمدا، حالىقارالىق بالالاردى قورعاۋ كۇنىنە وراي استانا قالاسىندا وتكەن بولاتىن. ال قازان ايىندا ەلىمىزدىڭ كينوتەاترلارىنان كورسەتىلگەن. سونىمەن قاتار، اتالمىش كينوتۋىندى قىركۇيەك ايىندا رەسەيدە وتكەن IIحالىقارالىق «ەۋرازيالىق كوپىر» كينوفەستيۆالىنىڭ نەگىزگى باعدارلاماسى شەڭبەرىندە كورسەتىلگەن ەدى.
ايتا كەتسەك، شاڭحاي ىنتىماقتاستىق ۇيىمىنا مۇشە ەلدەرى كينوفەستيۆالىنىڭ كونكۋرستىق باعدارلاماسىنا 23 كينولەنتا قاتىستى، ولاردىڭ اراسىندا ەكى وتاندىق كارتينا كورسەتىلدى. جالپى كينوفەستيۆال كورەرمەندەرىنىڭ نازارىنا 60 كارتينا ۇسىندى.
ش ى ۇ اياسىنداعى كينوفەستيۆالدى ق ح ر مەملەكەتتىك كينەماتوگرافيا باسقارماسى مەن شاندۋڭ پروۆينسياسىنىڭ اكىمشىلىگى ۇيىمداستىرىپ وتىر.