قازاقستان جەكپە-جەكتەن بۇكىل الەمدىك «سپورت-اككورد» ويىندارىن قابىلداۋى مۇمكىن
سپورت جانە دەنە شىنىقتىرۋ ىستەرى كوميتەتىنىڭ مالىمەتىنشە، ستەفان فوكس «سپورت-اككورد» حالىقارالىق كونۆەنتىنىڭ ۆيتسە-پرەزيدەنتى قىزمەتىن قاتار اتقارادى. كەزدەسۋ بارىسىندا ستەفان فوكس قازاقستاندىق تاراپقا 2019-جىلى جەكپە-جەكتەن «سپورت-اككورد» بۇكىل الەمدىك ويىندارىن وتكىزۋگە كانديداتۋراسىن بەرۋدى ۇسىندى.
«مەن استانادا بىرنەشە كۇننەن بەرى ءجۇرمىن. كورگەن دۇنيەلەرىم مەنى تاڭقالدىردى. مەن كوپتەگەن سپورتتىق نىسانداردا بولدىم، بارلىعى وتە ساپالى تۇرعىزىلعان. بۇل جەردە، سپورتتىق نىسانداردىڭ ءبىر-بىرىنە جاقىن ورنالاسۋى دا ماڭىزدى. قازاقستاننىڭ مۇنداي اۋقىمدى شارانى قابىلداۋعا الەۋەتى زور. سىزدەرگە جەكپە-جەكتەن بۇكىل الەمدىك «سپورت-اككورد» ويىندارىن وتكىزۋگە وزدەرىڭىزدىڭ كانديداتۋرالارىڭىزدى بەرۋدى ۇسىنىپ وتىرمىن»، - دەدى ستەفان فوكس.
ءوز كەزەگىندە، ۆيتسە- مينيستر ساكەن مۇسايبەكوۆ ستەفان فوكسقا قازاقستانعا بىلدىرگەن سەنىمى ءۇشىن العىس ايتتى.
«مەن «سپورت-اككورد» حالىقارالىق كونۆەنتىنە ءوز العىسىمدى بىلدىرەمىن. ءبىز، قازىرگى تاڭدا جەكپە-جەكتىڭ تۇرلەرىن قارقىندى دامىتىپ جاتىرمىز. مۇنداي شارانى وتكىزۋ ارقىلى، ءبىز ەلىمىزدە بۇقارالىق سپورتتىق قۇلاشتاپ دامۋىنا دەم بەرەمىز. وسىنداي سپورتتىق جارىستى وتكىزۋ ۇلكەن ماقتانىش. ەگەر، حالىقارالىق كونۆەنت قازاقستانعا سەنىم ءبىلدىرىپ، ءبىزدىڭ كانديداتۋرامىزدى قولداپ جاتسا، ءبىز ارينە تەك قۋانىشتى بولامىز»، - دەدى ساكەن مۇسايبەكوۆ.
ايتا كەتەيىك، «سپورت - اككورد» مۋلتيسپورتتىق شارا، ونىڭ اياسىندا (Sport Accord World Combat Games) جەكپە- جەكتەن بۇكىل الەمدىك سپورت-اككورد ويىندارى وتەدى. مۇنداي ءتيپتى ويىنداردى وتكىزۋ جونىندە شەشىمدى 12 حالىقارالىق سپورتتىق فەدەراتسيا قابىلدادى. ولاردىڭ قاتارىندا ايكيدو، بوكس، دزيۋدو، دجيۋ-دجيتسۋ، كاراتە، كەندو، كيكبوكسينگ، مۋاي-تاي، سامبو، سۋمو، تحەكۆوندو، ۋشۋ ۇيىمدارى بار.
ويىنداردى وتكىزۋ مەن ۇيىمداستىرۋ جۇمىستارىن جەكپە-جەكتەن الەمدىك ويىندارى كوميتەتى ۇيلەستىرەدى.