استانادا ءۇشسايىستان حالىقارالىق جارىس ءوتىپ جاتىر

None
None
استانا. قازاقپارات - ەلوردانىڭ ترياتلون ساياباعىندا BI GROUP IRONMAN 70.3 Astana ءوتىپ جاتىر، دەپ حابارلايدى قازاقپارات ءتىلشىسى.

ەڭ بەدەلدى حالىقارالىق جارىسقا قاتىسۋشىلاردى قازاقستان ترياتلون فەدەراتسياسىنىڭ پرەزيدەنتى كارىم ءماسىموۆ قۇتتىقتاپ، ساتتىلىك تىلەدى. سونىمەن قاتار ول مۇنداي جارىس ت م د اۋماعىندا العاش رەت ءوتىپ وتىرعانىن جانە استانا قالاسىنىڭ 20 جىلدىق مەرەيتويىنا تاماشا تارتۋ بولعانىن باسا ايتتى.

IRONMAN جارىسىنا قاتىسقاندار اراسىندا وليمپيادا چەمپيونى، پارلامەنت ءماجىلىسىنىڭ دەپۋتاتى سەرىك ساپيەۆ، وليمپيادا چەمپيونى، Astana Pro Team باس مەنەدجەرى الەكساندر ۆينوكۋروۆ، Astana Pro Team ۆەلوشاباندوزى اسان بازايەۆ، وليمپيادا ويىندارىنا قاتىسقان ترياتلونشى ەكاتەرينا شاتنايا، سپورتشى، «درۋگوي تى» قوزعالىسىنىڭ كوشباسشىسى ۆاليحان تەن، كۋيلا- كونەدە IRONMAN الەم چەمپيوناتىنا قاتىسقان پاۆەل ارتيۋشەنكو، «تەمىر» قاشىقتىقتى 33 مارتە باعىندىرىپ، جارىس تاريحىندا قالعان ترياتلونشى توماس درەيەر (Thomas Dreher) جانە تاعى باسقالارى بار.

جارىس ءۇش كەزەڭنەن تۇرادى. ولار - ءجۇزۋ (1,9 شاقىرىم)، ۆەلوجارىس (90 شاقىرىم) جانە جۇگىرۋ (21,1 شاقىرىم). وسىلايشا، جارىستىڭ جالپى ۇزاقتىعى 113 شاقىرىمدى قۇرايدى.

ايتا كەتەرلىگى BI GROUP IRONMAN 70.3 Astana 2018 ەلوردانىڭ 20 جىلدىق مەرەيتويىنا ارنالعان جانە قالانىڭ حالىقارالىق ارەناداعى يميدجىن ىلگەرىلەتۋگە باعىتتالعان.

سوڭعى جاڭالىقتار