سولتۇستىك قازاقستاندا تۋريستىك ماۋسىم باستالدى

پەتروپاۆل. قازاقپارات - سولتۇستىك قازاقستان وبلىسىنىڭ ايىرتاۋ اۋدانىندا تۋريزم ماۋسىمى باستالدى، دەپ حابارلايدى قازاقپارات ءتىلشىسى.

وڭىرلىك كوممۋنيكاتسيالار قىزمەتىندە اۋدانعا جىل سايىن 30 مىڭنان استام قازاقستاندىق جانە رەسەيلىك تۋريستەر كەلەتىنى ايتىلدى. شالقار جانە يمانتاۋ كولدەرىنىڭ اۋماعىندا 37 دەمالىس ورنى مەن 3 بالالار ساۋىقتىرۋ لاگەرى قوناقتارعا ءازىر.

كاسىپكەرلىك ءبولىمىنىڭ باس مامانى ساۋلە ماجەكەيەۆانىڭ ايتۋىنشا، بيىل جالپى سوماسى 14 ميلليارد تەڭگەدەن اسىپ جىعىلاتىن 10 جوبانى جۇزەگە اسىرۋ جوسپاردا بار. سونىڭ ىشىندە 2 ميلليارد تەڭگە اۋداننىڭ جولدارىن جوندەۋگە جۇمسالماق.

«ايىرتاۋ اۋدانىنا جىل سايىن كوپتەگەن تۋريستەر كەلىپ جاتادى. سۇلۋ تابيعاتى مەن تاريحي- مادەني ەسكەرتكىشتەرى اۋداندا تۋريزم سالاسىن دامىتۋدىڭ جوعارى الەۋەتى بار ەكەنىن كورسەتەدى»، - دەيدى اۋدان اكىمى بەيبىت يسمانوۆ.

جۋىردا عانا سقو اكىمى قۇمار اقساقالوۆ يمانتاۋ- شالقار كۋرورتتىق ايماعىنىڭ تۋريستىك نىساندارىنا بارىپ، ونداعى ماۋسىمعا دايىندىق جۇمىستارىمەن تانىسقان بولاتىن.