قازاقستانداعى تۇركيا ازاماتتارى پرەزيدەنتتىك جانە پارلامەنتتىك سايلاۋدا داۋىس بەرۋدە

استانا. قازاقپارات - قازاقستان اۋماعىنداعى تۇركيا ازاماتتارى ەكى كۇن ىشىندە پرەزيدەنت سايلاۋىنا جانە پارلامەنتتىڭ 27-شاقىرىلىمى سايلاۋىنا قاتىسا الادى، دەپ حابارلايدى انادولى.

استاناداعى تۇركيالىقتار تۇركيا ەلشىلىگىندە، ال الماتى جانە اقتاۋ قالالارىندا باس كونسۋلدىقتاردا داۋىس بەرۋدە.

تۇركيانىڭ جوعارى سايلاۋ كوميسسياسىنىڭ مالىمەتتەرىنشە، استاناداعى تۇركيا ەلشىلىگىنە 641، الماتىدا - 2578، اقتاۋدا 348 سايلاۋشى تىركەلگەن.

داۋىس بەرۋ 16-17- ماۋسىم كۇندەرى جەرگىلىكتى ۋاقىت بويىنشا 09:00-دەن 21:00 گە دەيىن وتەدى.

تۇركيانىڭ قازاقستان رەسپۋبليكاسىنداعى ەلشىسى نيەۆزات ۋيانىك جۋرناليستەرگە بەرگەن سۇحباتىندا داۋىس بەرۋ پروتسەسىنە دايىندىق اياقتالعانىن جەتكىزىپ، داۋىس بەرۋ پروتسەسىن ۇيىمداستىرۋعا كورسەتكەن قولداۋى ءۇشىن قازاقستاننىڭ ءتيىستى قۇرىلىمدارىنا العىس ءبىلدىردى.