جامبىلدىق كاسىپكەرلەر تۇرمەدە ءوندىرىس ورىندارىن اشپاق

تاراز. قازاقپارات - جامبىل وبلىستىق پروكۋراتۋراسىندا بيزنەس وكىلدەرىنە وڭىردەگى ءوندىرىس ورىندارىنىڭ قۋاتى كورسەتىلدى، دەپ حابارلايدى قازاقپارات ءتىلشىسى ۆەدومستۆونىڭ باسپا ءسوز قىزمەتىنە سىلتەمە جاساپ.

شارا جامبىل وبلىستىق پروكۋراتۋراسىنىڭ باستاماسىمەن، وبلىس اكىمدىگى مەن وبلىستىق كاسىپكەرلەر پالاتاسىنىڭ قولداۋىمەن ۇيىمداستىرىلدى.

20 دان استام بيزنەسمەن وبلىستا جولعا قويىلعان ءوندىرىس تۇرلەرىمەن تانىستى. پروكۋراتۋرا قىزمەتكەرلەرى نىساندار تۋرالى اڭگىمەلەيتىن ۆيدەونى كورسەتىپ، ولاردى الۋدىڭ ءتارتىبىن ءتۇسىندىردى.

شارانى ۇيىمداستىرۋداعى باستى ماقسات - سوتتالعاندار ءۇشىن قوسىمشا جۇمىس ورىندارىن اشۋ. بۇگىنگى تاڭدا وبلىستاعى تۇزەتۋ مەكەمەلەرىندە جازاسىن وتەپ جۇرگەندەردىڭ %71- عا جۋىعى ەڭبەكپەن قامتىلعان. اتاپ ايتقاندا، بودەنە وسىرۋگە ماماندانعان «شۋكۋروۆ» جەكە كاسىپورنىندا 12 ادام جۇمىسباستى بولسا، «ىرىستى» ج ك- دا جەتى ادام كيىز ءۇي توقۋمەن اينالىسىپ وتىر.

شارا قورىتىندىلارى بويىنشا، 10 عا جۋىق كاسىپكەر تۇرمەدە ءوندىرىس ورنىن اشۋعا قىزىعۋشىلىق تانىتتى.