ەلىمىزدە اۋىل شارۋاشىلىعى ونىمدەرىنىڭ ەكسپورتى ارتتى
سايتا تاراتقان مالىمەتتەرگە قاراعاندا اۋىل شارۋاشىلىعى سالاسىندا جەتىستىكتەر بار، الايدا اقساپ جاتقان تۇستارى دا جوق ەمەس. ماسەلەن وتكەن جىلى ۇن مەن بيداي ەكسپورتى ايتارلىقتاي ازايىپ كەتكەن. بۇل ونىمدەر حالىقارالىق باسەكەگە توتەپ بەرە الماي وتىر. ونىڭ ۇستىنە كورشىلەرىمىز قىتاي، رەسەي، وزبەكستان ەلدەرى اگرارلىق- ونەركاسىپتىك كەشەنىن دامىتۋ ءۇشىن شارۋالارىنا بارىنشا جاعداي جاساعان.
وزبەكستان اۋىل شارۋاشىلىعى تەحنيكاسىن 2 پايىزبەن ليزينگكە بەرەدى. ال قازاقستاندا بۇل 14 پايىز. سونداي-اق كەدەندىك تولەمدەر مەن سالىقتان بوساتۋ ماسەلەسى تاعى بار. وعان جىل سايىن ءبىز دە ءداندى سەبۋ مەن جيناۋ ماۋسىمىندا جانارماي باعاسىنىڭ شارىقتاپ كەتەتىنىن قوسىڭىز. وسىنىڭ ءبارى تاۋاردىڭ وزىندىك قۇنىنا ۇلكەن اسەر ەتىپ، جەرگىلىكتى شارۋالارعا قولبايلاۋ بولىپ وتىر.
«جانار-جاعارمايدى الىپ كەلەتىن كومپانيالار دا جەكەمەنشىك. ءبىزدىڭ اۋىل شارۋاشىلىعى تاۋارىن وندىرۋشىلەر دە جەكەمەنشىك. ەكى جەكەمەنشىك كومپانيا ءبىر-بىرىنە اقىسىن جىبەرگىسى كەلمەيدى، ول تۇسىنىكتى. ولار سۇراقتى بىلاي قويادى. ءبىز نارىق زامانىندا جۇمىس ىستەپ جاتقان كومپانيالارمىز «نەگە ءبىزدىڭ ەسەبىمىزدەن سىزدەر باسقا جەكەمەنشىك كومپانياعا ارزانداتىلعان باعامەن جانارمايدى بەرگىلەرىڭىز كەلەدى» دەپ. ولاي بولاتىن بولسا ارنايى قارجى ءبولىپ، ۇكىمەتتەن سول ايىرماشىلىقتى تولەڭىزدەر دەيدى»، - دەيدى ق ر پرەمەر- ءمينيسترىنىڭ ورىنباسارى - اۋىل شارۋاشىلىعى ءمينيسترى ءومىرزاق شوكەيەۆ.