اتىراۋدا «اقىلدى شامدار» ورناتىلۋدا

اتىراۋ. قازاقپارات - اتىراۋدا جاڭا ورناتىلعان كوشە شامدارىن ارنايى ديسپەتچەرلىك پۋنكت قاداعالايتىن بولادى، دەپ حابارلايدى قازاقپارات ءتىلشىسى.

وڭىرلىك كوممۋنيكاتسيالار قىزمەتىنىڭ حابارلاۋىنشا، وسى كەزدە اتىراۋ قالاسى مەن ونىڭ ماڭىنداعى ەلدى مەكەندەرگە جارىق شامدارىن جۇرگىزۋ جۇمىستارى ءجۇرىپ جاتىر. جىل باسىنان باستاپ LED- شامدارى ىسكە قوسىلۋدا.

«LED- شامدارىنىڭ ەرەكشەلىگى، ونى قۋات كوزىنىڭ تۇسەتىن اۋماعىنا قاراي ازايتىپ نەمەسە كوبەيتۋگە بولادى. سونداي-اق، بۇل شامداردى ارنايى قاداعالايتىن ديسپەتچەرلىك پۋنكت جۇمىس ىستەيدى. ولار ەلەكتروندى جۇيەدە شامداردىڭ جانىپ نەمەسە جانباي تۇرعانىن انىقتاي الادى. جاڭا جوبانىڭ مەرزىمى 10 جىل»، - دەيدى وبلىستىق ەنەرگەتيكا جانە تۇرعىن-ءۇي كوممۋنالدىق شارۋاشىلىعى باسقارماسى باسشىسىنىڭ ورىنباسارى مۇرات يعاليەۆ.

2017-جىلدان باستاپ «اتىراۋ قالاسىنداعى كوشە جارىعى جەلىسىنىڭ قۇرىلىسى جانە پايدالانۋ» جوباسى ىسكە اسىرىلىپ كەلە جاتىر. اتالعان جوبا بويىنشا اتىراۋ قالاسىنىڭ 39 كوشەسىن جارىقتاندىرۋ جوسپارلانعان. قۇرىلىس جۇمىستارى 2 كەزەڭگە بولىنگەن.

«2017-جىلى LED- شامدارى 19 كوشەگە جۇرگىزىلگەن بولسا، بيىلعى جىلى 20 كوشە جارىقتاندىرىلماق. تاعى دا قالانىڭ سىرتىنداعى 7 كوشەگە جارىق شامدارىن ورناتۋ جوسپاردا بار. بۇل جوبالار وسى جىلدىڭ سوڭىندا اياقتالىپ، تاپسىرىلاتىن بولادى»، - دەيدى وبلىستىق ەنەرگەتيكا جانە تۇرعىن-ءۇي كوممۋنالدىق شارۋاشىلىعى باسقارماسى باسشىسىنىڭ ورىنباسارى مۇرات يعاليەۆ.