الماتىدا سىرشىل اقىن سىرباي ماۋلەنوۆتى ەسكە الدى

الماتى. قازاقپارات - الماتىدا جازۋشىلار ۇيىندە قازاقستاننىڭ حالىق جازۋشىسى، اقىن سىرباي ماۋلەنوۆتى ەسكە الۋ كەشى ءوتتى، دەپ حابارلايدى قازاقپارات ءتىلشىسى.

قازاقستان جازۋشىلار وداعى ءتوراعاسىنىڭ ورىنباسارى باۋىرجان جاقىپتىڭ ايتۋىنشا، ەستەلىك كەشى اقىننىڭ سوڭىندا قالعان تۇياعى قاسىم سىرباي ۇلىنىڭ باستاماسىمەن قولعا الىنعان ەكەن.

 «ۇلى وتان سوعىسىنا قاتىسقان، لەنينگرادتاعى ۆولحوۆ مايدانىندا قارۋمەن دە، قالاممەن دە كۇرەسىپ، قايرات كورسەتكەن. ءوزى ءومىر سۇرگەن زاماندا كەڭ بايتاق قازاقستاننىڭ تۇكپىر- تۇكپىرىن جىرعا قوسىپ، سىرشىل ليريكاسىن جازىپ كەتكەن اقىن. سونىمەن قاتار ورىستىڭ ۇلى اقىندارى پۋشكين، لەرمونتوۆ، بلوكتىڭ ولەڭدەرىن اۋدارۋعا ۇلەس قوسقان. ول كىسىنىڭ ولەڭدەرى ەرەكشە سىرشىل ليريزمىمەن باۋرايدى» ، - دەدى باۋىرجان جاقىپ.

 سىرباي ماۋلەنوۆ الەم كلاسسيكتەرى شىعارمالارىن قازاق تىلىنە ءتارجىمالاعان. سوڭىنا 40 قا جۋىق كىتاپ قالدىرعان. ونىڭ مۇراسى ۇرپاقتار جادىنان وشپەك ەمەس.

 ««جۇلدىز» جۋرنالى مەن «قازاق ادەبيەتى » گازەتىنىڭ باس رەداكتورى بولعان. سول تۇستا جۋرنال تارالىمى 200 مىڭ داناعا دەيىن جەتكەن. مۇنداي ءبىزدىڭ باسپا ءسوز تاريحىندا بولماعان. ونىڭ قازاق ادەبيەتىنە سىڭىرگەن ەڭبەگى ۇمىتىلمايدى. وسىناۋ تۇلعانى ەستە ۇستاۋ ءبىزدىڭ، قالام ۇستاپ جۇرگەن بۋىننىڭ موينىنداعى پارىزى دەپ بىلەمىن» ، - دەدى باۋىرجان جاقىپ.

 سىرباي ماۋلەنوۆ 1922 -جىلى 17 - قىركۇيەكتە تورعاي دالاسىندا دۇنيەگە كەلگەن. كولىك اپاتىنا ۇشىراعاننان كەيىن دەنساۋلىعى ءجيى سىر بەرىپ ، 70 تەن اسقان شاعىندا دۇنيەدەن وزدى.

 

ارايلىم جولداسباي