قازاقستان مەن رەسەيدىڭ ساياسي ىنتىماقتاستىعى ۇلگى الارلىقتاي - ەلباسى
«بۇگىنگى تاڭدا قازاقستان مەن رەسەي فەدەراتسياسىنىڭ ساياسي ىنتىماقتاستىعى ساياسي، ەكونوميكالىق، ادامي - بارشا سالادا ۇلگىلى دارەجەدە. ءبىزدىڭ ەلدەر ءوزارا تىعىز بايلانىس ورناتپاعان سالانىڭ ءوزى جوق»، - دەدى ەلباسى.
نۇرسۇلتان نازاربايەۆتىڭ ايتۋىنشا، كەڭەس وداعى ىدىراعاننان كەيىن ونىڭ بۇرىنعى رەسپۋبليكالارى تۇرلىشە ۆەكتورلار بويىنشا دامىدى.
قازاقستان ادامي قارىم-قاتىناستار مەن بايلانىستاردى ساقتاپ، قولدا باردى جوعالتپاي، كەلەر ۇرپاققا بەرىك دوستىق جانە ىنتىماقتاستىق بايلانىستارىن قالدىرۋعا ۇمتىلدى.
«رەسەي فەدەراتسياسىمەن قارىم-قاتىناستاردى وسىلاي قۇرىپ جاتىرمىز. ەكونوميكالىق جاعىنان رەسەي قازىرگى تاڭدا قازاقستاننىڭ ءبىرىنشى ءنومىرلى سىرتقى ساۋدا سەرىكتەسى بولىپ وتىر»، - دەدى ن. نازاربايەۆ.
«تىعىز بايلانىستار جانە مەنىڭ ۇسىنىسىمنىڭ ارقاسىندا ەۋرازيالىق ەكونوميكالىق وداق قۇرىلدى. ول ءقازىر جاقسى ناتيجەلەر كورسەتىپ جاتىر»، - دەدى مەملەكەت باسشىسى.
قازاقستان پرەزيدەنتى بىلتىردىڭ وزىندە ە ا ە و- عا مۇشە ەلدەر اراسىنداعى ساۋدا اينالىمى وتىز ەسە ۇلعايعانىن تىلگە تيەك ەتتى.
«40 ەل وسى وداقتا باقىلاۋشى بولىپ، وعان قوسىلۋعا نيەت ءبىلدىرىپ وتىر»، - دەدى ق ر پرەزيدەنتى.