حالىق ەمى. قوي تەرىسىنە ءتۇسىرۋ

None
None
 استانا. قازاقپارات - كوشپەندى قازاق ءومىرى تابيعاتتىڭ ءار الۋان قۇبىلىستارىن باسىنان وتكىزگەن.

جاتىن ورىننىڭ ىلعال بولۋىنان، قىسقى سۋىقتىڭ ىزعارىنان جانە وسى تابيعي ورتانىڭ قىسىمىنان قورعانۋ جابدىقتارىنىڭ از بولۋىنان جاسى ەگدە تارتقان ادامدار جەل- قۇز، قۇياڭ سىندى اۋرۋلارعا دۋشار بولىپ جاتادى. قازاق ەمشىلەرى وسى ناۋقاستاردى اۋرۋىنان ايىقتىرۋ ءۇشىن ءتۇرلى ەم جاساعان. سولاردىڭ ءبىرى - قويدىڭ تەرىسىنە ءتۇسىرۋ.

ەم جاساۋ بارىسىندا سەمىرگەن ەركەك قويدى نەمەسە تۋ قويدى تاڭداپ الىپ، تەرىسىن بىتەۋ سويادى. سوسىن، كۇزدە پىسكەن ەرمەندى بۇرىمەن قوسا قايناتىپ، ونىڭ ءنىلىن تەرىنىڭ ىشىنە قۇياتىن بولعان.

كەزەگىمەن ناۋقاس ادامدى شەشىندىرىپ، موينىنان باستاپ، اياعىنا دەيىن قوي تەرىسىمەن وراپ، جىلى جاۋىپ، 2-3 ساعات جاتقىزادى. ۋاقىتى بولعان سوڭ ادامدى تازالاپ جۋىندىرادى. قوي تەرىسىنە تۇسكەن ادام ءوزىن جىلى ۇستاپ، سورپالانىپ، بىرنەشە كۇن كۇتىنۋى كەرەك بولعان. بۇل قارا ەمنىڭ ادام دەنەسىندەگى، بۋىندارداعى جەلدى، سارسۋدى الۋدا، بۋىنداردىڭ قاقساۋى مەن سىرقىراپ اۋرۋىن ەمدەپ جازۋداعى ءونىمى ايرىقشا بولعان.

 

 دەرەككوزى: "حالىق ەمى"

سوڭعى جاڭالىقتار