18:10, 15 - ماۋسىم 2018 | GMT +6
نۇرسۇلتان نازاربايەۆ قازانداعى ونەركاسىپ كاسىپورىندارىنىڭ كورمەسىنە باردى
استانا. قازاقپارات - ق ر پرەزيدەنتى نۇرسۇلتان نازاربايەۆ تاتارستان رەسپۋبليكاسىنا جۇمىس ساپارى بارىسىندا قازان قالاسىندا ونەركاسىپ كاسىپورىندارىنىڭ كورمەسىنە باردى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
قازاقستان پرەزيدەنتىنە كەمە جانە ماشينا جاساۋ، سونداي-اق قورعانىس ونەركاسىبى كەشەنى سالاسىنداعى كاسىپورىنداردىڭ ءونىمى كورسەتىلدى.
اتاپ ايتقاندا، نۇرسۇلتان نازاربايەۆ ەكولوگيالىق تۇرعىدان تازا جانە جاڭارتىلاتىن ەنەرگيا كوزدەرىن پايدالاناتىن كولىك تەحنيكاسىنىڭ ۇلگىلەرىمەن تانىستى.