مەملەكەت باسشىسى قازاقستان مەن رەسەي جاس ليدەرلەرى فورۋمىن ۇيىمداستىرۋدى ۇسىندى
بۇل تۋرالى قازان فەدەرالدىق ۋنيۆەرسيتەتىندەگى سوزىندە ق ر پرەزيدەنتى نۇرسۇلتان نازاربايەۆ ايتتى.
«جاستار - جاڭارعان قازاقستان مەن رەسەيدىڭ بەينەسى. سەندەردەگى كۇش- قۋات، باستاماشىلدىق، اقىل- ءبىلىم، جاساپازدىق مەملەكەتتەرىمىزدىڭ قارقىنمەن دامۋىنىڭ كەپىلى. قازاقستان مەن رەسەي اراسىنداعى دوستىق پەن تاتۋ كورشىلىكتى نىعايتۋلارىڭ كەرەك»، - دەدى مەملەكەت باسشىسى قازاقستان مەن رەسەي جاستارىنا ارناعان سوزىندە.
وسى ورايدا ەلباسى استانا، ماسكەۋ جانە قازان ىنتىماقتاستىعى پروتسەسىنە جاستاردى بارىنشا جۇمىلدىرۋدىڭ ماڭىزدى ەكەنىن ايتتى.
«قازاقستان مەن رەسەيدىڭ جاس ليدەرلەرى فورۋمىن ۇيىمداستىرۋدى ۇسىنامىن. فورۋم اياسىندا عىلىمي كونفەرەنتسيالار، سەمينارلار، كوۋچ-سەسسيالار، تاعى باسقا دا شارالاردى وتكىزۋ قاجەت. بۇل جاستاردىڭ ءبىر- بىرىمەن يدەيالار الماسۋىنا، ەلدەرىمىزدىڭ ەڭ وزەكتى ماسەلەلەرى بويىنشا ناقتى ۇسىنىستار ايتۋىنا مۇمكىندىك بەرەدى»، - دەدى نۇرسۇلتان نازاربايەۆ.
قازاقستان پرەزيدەنتى مادەني ساباقتاستىققا سەرپىن بەرىپ، جىل سايى وتكىزىلەتىن جاس ونەرپازداردىڭ، سۋرەتشىلەردىڭ، مۋزىكانتتاردىڭ بايقاۋلارىن جانداندىرۋ قاجەتتىگىن دە اتاپ كورسەتتى.
«جاس سپورتشىلارىمىزدىڭ اراسىنداعى بايلانىستار وزەكتى بولىپ وتىر. ستۋدەنتتەر ەكى ەل جاستارىنىڭ اراسىندا تۇراقتى تۇردە تۋرنيرلەر وتكىزۋدى قولدايدى دەپ ويلايمىن»، - دەدى مەملەكەت باسشىسى.