ەلوردالىق انسۇيەر قاۋىم «استانا داۋىسى» بايقاۋىنىڭ قاتىسۋشىلارىمەن كەزدەسۋ وتكىزدى
ايتا كەتسەك، «Voice of Astana» حالىقارالىق بايقاۋى «سارى ارقا» ۆەلوترەگىندە 15 -ماۋسىم (جارتىلاي فينال) جانە 16 -ماۋسىم (قورىتىندى) كۇندەرى وتەدى.
قازاقستاندا مۋزىكالىق كونكۋرسقا قاتىسۋعا 20 دان استام ەلدىڭ ءتۇرلى جانرداعى 500 دەن استام انشىلەرى نيەت بىلدىرگەن. مۋزىكالىق جوبانىڭ جارتىلاي فينالى قازاقستان، رەسەي، وزبەكستان، قىرعىزستان، تاتارستان، ۋكراينا، ازەربايجان، گرۋزيا، ارمەنيا، ۇلى بريتانيا، ا ق ش، يتاليا، بولگاريا، ەستونيا، قىتاي، ءۇندىستان، موڭعوليا، تۇركيا جانە يزرايل ەلدەرىنىڭ تالانتتى ارتىستەرىن بىرىكتىرىپ وتىر.
كونكۋرستان كەيىن «سارى ارقا» ارەناسىنا شەتەلدىك انشىلەرمەن بىرگە تانىمال ت م د ەلدەرىنىڭ ونەرپازدارى ونەر كورسەتەدى. 15 -ماۋسىم كۇنى باتىرحان شۇكەنوۆتى ەسكە الۋعا ارنالعان كونسەرت ۇيىمداستىرىلسا، 16 -ماۋسىمدا بايعالي سەركەبايەۆتىڭ مەرەيتويلىق كەشى وتكىزىلەدى.
سونداي-اق، «سارى ارقا» ۆەلوترەگىندە استانانىڭ 20 جىلدىعى قۇرمەتىنە ۆالەري مەلادزە، لەونيد اگۋتين، ۆلاديمير پرەسنياكوۆ، الەكسەي چۋماكوۆ، يۋلياننا كاراۋلوۆا، ەلينا چاگا، A- Studio توبى، روزا رىمبايەۆا، كارينا ابدۋللينا، مەيرامبەك بەسپايەۆ، JCS توبى، ايقىن، جۇبانىش جەكسەن ۇلى، ءدىلناز احماديەۆا، ءالي وقاپوۆ، دينارا سۇلتان، مارسەل، دينايا، ليدو، The Jigits، اعايىندى جۇگىنىسوۆتەر، Vox Acapella ونەر كورسەتەتىن بولادى.
بايقاۋعا قاتىسۋشىلارعا بۇگىن بەلگىلى قازاق انشىلەرى ءالي وقاپوۆ، رۇستەم نۇرجىگىت، ءانشى دينايا جانە مارسەل قولداۋ ءۇشىن كەلدى. كەشتى دۇيسەن قالىمجانوۆ جۇرگىزدى.
كەزدەسۋ بارىسىندا جارىق جۇلدىزدار مەن حالىقارالىق بايقاۋعا قاتىسۋشىلار جانكۇيەرلەرىمەن بىرگە ءان شىرقاپ، وزدەرىن قىزىقتىرعان سۇراقتارىنا جاۋاپ الدى.
«ءبىز بايقاۋعا قاتىسۋشىلارعا قولداۋ كورسەتكىمىز كەلەدى. سونىمەن بىرگە، ماقساتىمىز - ەرتەڭگى كونتسەرت. بايقاۋعا قاتىسۋشىلار اراسىنداعى ەڭ مىقتىسى - جۇزدەن جۇيرىك، مىڭنان وزىق شىققان ونەرپاز جەڭىسكە جەتسىن دەگەن تىلەك ايتامىز. ەرتەڭگى كەش ءبىز ءۇشىن ەرەكشە. سەبەبى، ەرتەڭ ءبىزدىڭ سۇيىكتى ءانشىمىز - باتىرحان شۇكەنوۆكە ارنالعان كونسەرت. ياعني، وندا تەك باتىرحان شۇكەنوۆتىڭ اندەرىن ورىندايمىز. البەتتە، ءار ورىنداۋشى وزىنە جاراسىمدى، ساي كەلەتىن اندەردى تاڭداپ الدى. توسىن دۋەتتەر مەن توپتار بولادى. بارلىق انشىلەر وزدەرىن باسقا قىرىنان كورسەتەتىن بولادى»، - دەدى.
ءىس- شارانى استانا 20 جىلدىعىنا وراي قازاقستان رەسپۋبليكاسى مادەنيەت جانە سپورت مينيسترلىگى ۇيىمداستىرۋدا.