+7 (701) 759 90 19 Лента
6 °С : استانا
9 °С : الماتى
USD 366.43 EUR 420.11
RUB 5.58 CNY 52.87
جاڭالىقتار

قازاقستاندا ۇيالى تەلەفونداردى تىركەۋ ءتارتىبىن بەكىتتى

14 ماۋسىم 21:32 418
:ءبولىسۋ
قازاقستاندا ۇيالى تەلەفونداردى تىركەۋ ءتارتىبىن بەكىتتى

استانا. قازاقپارات - قازاقستان اۋماعىندا ۇيالى بايلانىستىڭ ابونەنتتىك قۇرىلعىلارىن تىركەۋ ءتارتىبى بەكىتىلدى، دەپ حابارلايدى قازاقپارات ق ر اقپارات جانە كوممۋنيكاتسيالار مينيسترلىگىنىڭ باسپا ءسوز قىزمەتىنە سىلتەمە جاساپ.

ۇيالى بايلانىستىڭ ابونەنتتىك قۇرىلعىلارىن تىركەۋ 2004 -جىلدىڭ 5 -شىلدەدەگى ق ر-نىڭ زاڭىنىڭ 8-بابى، 1-تارماعىنىڭ 8-8 -تارماقشاسىنا («بايلانىس تۋرالى») سايكەس پايدا بولدى. ەرەجەلەرگە سايكەس، قازاقستان رەسپۋبليكاسىنىڭ اۋماعىنا اكەلىنگەن نەمەسە جاسالعان ابونەنتتىك قۇرالدار مىندەتتى تۇردە تىركەۋدەن وتۋلەرى كەرەك. جەكە تۇلعالار ءۇشىن تىركەۋ تەگىن تۇردە 4 ساعاتتىڭ ىشىندە جۇرگىزىلەدى، ال زاڭدى تۇلعالاردى ءوتىنىش بىلدىرگەن مەرزىمنەن 8 ساعات ىشىندە تىركەيدى.

«ون تورتتەن ون سەگىز جاسقا دەيىنگى كامەلەت جاسقا تولماعانداردىڭ ابونەنتتىك قۇرالدارىن زاڭدى وكىلدەرىنىڭ كەلىسىمىمەن عانا تىركەيدى، ال ون ءتورت جاسقا تولماعان جاسوسىپىرىمدەردىڭ زاڭدى وكىلدەرى ءوز اتتارىنان عانا تىركەي الادى»، - دەلىنگەن حابارلامادا.

تىركەۋ نەمەسە قايتا تىركەۋ ءۇشىن بايلانىس قۇرالىنىڭ يەسى قىزمەتتىڭ اۆتوماتتىق جۇيەسىنە جۇگىنە الادى نەمەسە بايلانىس وپەراتورىنىڭ كەڭسەسىنە تومەندەگىدەي قۇجاتتارمەن بارا الادى:

1) ج س ن (جەكە تۇلعا ءۇشىن) نەمەسە ب س ن (زاڭدى تۇلعا ءۇشىن)؛

2) ۇيالى بايلانىستىڭ ابونەنتتىك قۇرىلعىسىنىڭ سايكەستەندىرۋ كودى؛

3) تىركەلۋشى ابونەنتتىك قۇرىلعىدا قولدانىلاتىن ابونەنتتىك نومىرلەر.

ۇيالى تەلەفون قولدانۋشىلارى 2018 -جىلدىڭ سوڭىنا دەيىن قۇرىلعىلارىن تىركەۋى كەرەك، سەبەبى 2019 -جىلدىڭ 1 -قاڭتارىنان تىركەلمەگەن ابونەنتتەر ءۇشىن ۇيالى بايلانىس قىزمەتى كورسەتىلمەيتىن بولادى.

ۇيالى تەلەفونداردى تىركەۋ ءۇشىن ۇيالى بايلانىس وپەراتورلارىنىڭ ابونەنتتىك بولىمدەرىنە بارۋدىڭ ەش قاجەتى جوق. بار بولعانى، ونلاين رەجىمدە نەمەسە SMS (ۇيالى بايلانىس وپەراتورلارىنىڭ ينتەرنەت- رەسۋرسى جانە SMS، USSD، ت. ب. ) ارقىلى تىركەلۋگە بولادى.

 


باستى سوزدەر: قوعام,
:ءبولىسۋ
ونلاين قىزمەتكەرلەر
مۇراعات