قازاقستاندىق «نايمان» داۆيد حاچاتريانمەن جەكپە-جەككە كەلىستى

استانا. قازاقپارات - ارالاس جەكپە-جەكتەن تانىمال قازاقستاندىق سپورتشى قۋات «نايمان» حاميتوۆ ارمياندىق داۆيد حاچاتريانمەن كەزدەسۋ وتكىزۋ تۋرالى كەلىسكەنىن ايتتى، دەپ حابارلايدى «SPORTINFORM»  س ا ا.

«ءبىز ۇزاق كەلىسسوز جۇرگىزەتىن بوكسشىلار ەمەسپىز عوي، ءبىز - گلادياتورلارمىز! داۆيد حاچاتريانمەن ايقاس وتكىزۋ تۋرالى كەلىسىپ قويدىق. شەشىمى تابىلماعان كىشىگىرىم ماسەلەلەر عانا قالدى. سىزدەرگە حابار بەرىپ وتىرامىن»، - دەدى قۋات «نايمان» حاميتوۆ.

ەسكە سالايىق، بىرەر كۇن بۇرىن ينستاگرام جەلىسىندە حاچاتريان حاميتوۆكە «پىكىر ءبىلدىرۋدىڭ ورنىنا، جىلقىنىڭ ەتىن جەۋگە» كەڭەس بەرگەن. كەيىن نايمان ارمياندىق داۆيد حاچاتريانعا جاۋاپ قايتارعان بولاتىن، ارتىنان Fight Nights-كە ەكەۋىنىڭ اراسىندا جەكپە-جەك وتكىزۋگە ءوتىنىش بىلدىرگەن.

بارلىق «دايىندىق» پروتسەسى 4 كۇنگە سوزىلدى.