تۇركيادا ۇلكەن سايلاۋ ناۋقانى باستالۋ الدىندا تۇر
قازىرگى ۋاقىتتا ەلدىڭ كوپتەگەن قالالارىندا سايلاۋالدى اكسيالار ءوتىپ جاتىر.
تۇركيا پرەزيدەنتى رەدجەپ تايىپ ەردوعان كەزەكتەن تىس پرەزيدەنتتىك جانە پارلامەنتتىك سايلاۋدىڭ وتەتىنىن 19 -ءساۋىر كۇنى ءمالىم ەتكەن بولاتىن. تۇركيانىڭ جوعارى سايلاۋ كوميسسياسى سايلاۋ مەرزىمىن بەلگىلەگەن سوڭ، پرەزيدەنت لاۋازىمىنا ۇمىتكەرلەر جانە ساياسي پارتيالار ۇگىت- ناسيحات اكسيالارى مەن ميتينگتەر ۇيىمداستىرۋدى باستادى.
ەلدە كۇنىنە بىرنەشە رەت ۇمىتكەرلەردىڭ سايلاۋالدى ۋادەلەرىن جاريا ەتىپ جۇرگەن اكسيالار ءوتىپ جاتىر.
ولار اۆتوبۋستارمەن تۇركيانىڭ جاقىن جانە الىس ورنالاسقان اۋدان ورتالىقتارىندا دا كەزدەسۋلەر ۇيىمداستىرۋدا. سونداي-اق، پارتيا وكىلدەرى سايلاۋشىلار اراسىندا تانىستىرۋ كىتاپشالارىن تاراتتى.
ۇگىت-ناسيحات شارالارى ساۋدا ۇيلەرىندە دە جۇرگىزىلۋدە. ۇمىتكەرلەردىڭ كەيبىرەۋلەرى جارناما اكسيالارى ارقىلى سايلاۋشىلاردىڭ كوڭىلىن اۋدارۋدى ءجون دەپ شەشتى.
24 -ماۋسىمدا وتەتىن پرەزيدەنتتىك جانە پارلامەنتتىك سايلاۋلاردا مەملەكەت
ىشىنەن 59391328، شەت ەلدەن 3049065 سايلاۋشى داۋىس بەرۋگە قۇقىلى.
تۇركيا ازاماتتارى ءۇشىن سايلاۋ ۋچاسكەلەرى 60 ەلدە جۇمىس ىستەيدى جانە شەتەلدەگى 123 ديپلوماتيالىق وكىلدىكتەردە ورنالاسقان.