الماتىدا جاياۋ جۇرگىنشىلەرگە ارنالعان اسپالى جولدار جوندەلمەك

الماتى. قازاقپارات - الماتىدا جاياۋ جۇرگىنشىلەرگە ارنالعان جەرۇستى جولدارىن جوندەۋ قولعا الىنباق، دەپ حابارلايدى قازاقپارات ءتىلشىسى.

بۇگىندە الماتىدا 69 جەرۇستى جولى بار. جەتىسۋ اۋدانىندا - 19، الاتاۋ اۋدانىندا - 18، مەدەۋ اۋدانىندا - 12، بوستاندىق اۋدانىندا - 7، اۋەزوۆ اۋدانىندا - 5، تۇركسىب اۋدانىندا - 4، ناۋرىزباي اۋدانىندا - 3، المالى اۋدانىندا -1 كوپىر بار.

ولاردىڭ 50 ى عانا مۇمكىندىگى شەكتەۋلى جاندارعا ارنالعان پلاتفورمالارمەن، كوتەرگىشتەرمەن جابدىقتالعان.

«قالا كوشەلەرىندەگى بۇزاقىلىق دەرەكتەرىنىڭ كەسىرىنەن 26 جەرۇستى جولىندا 56 كوتەرگىش ىستەن شىققان. باسقارما مەن اكىمدىكتىڭ بىرىگە وتىرىپ، ەسكيز جوباسى مەن جوندەۋ جۇمىستارىنىڭ ءبىرىڭعاي تۇجىرىمداماسى جاسالدى. الداعى كۇنى مەتالل باسپالداقتىڭ جاقتاۋلارىن ءبىرىڭعاي تۇسكە بوياۋ، اينەكتەن جاسالعان جاقتاۋلاردى مەتالعا اۋىستىرۋ، جۇرەتىن جولدا اسفالت بەتون جابىندى توسەۋ، كوتەرگىش ليفتىلەردى جوندەۋ جوسپارلانعان»، - دەدى اكىمدىكتەن ارنايى ساۋالعا جاۋاپ رەتىندە.

بيىل بارلىعى 69 جەرۇستى جولى جوندەلەدى. ونىڭ ىشىندە بىلتىر عانا سالىنعان 7 جاياۋ جۇرگىن كوپىرى مەردىگەر كومپانيالار قارجىسىنا جوندەلەتىن بولادى.

جوندەۋ جۇمىستارى شىلدەدە باستالادى.