+7 (701) 759 90 19 Лента
4 °С : استانا
10 °С : الماتى
USD 366.43 EUR 420.11
RUB 5.58 CNY 52.87
جاڭالىقتار

اقمولا وبلىسىندا قولا ءداۋىرىنىڭ جادىگەرلەرى تابىلدى

14 ماۋسىم 19:05 856
:ءبولىسۋ
اقمولا وبلىسىندا قولا ءداۋىرىنىڭ جادىگەرلەرى تابىلدى

كوكشەتاۋ. قازاقپارات - اقمولا وبلىسىنىڭ زەرەندى اۋدانى اۋماعىندا كەيىنگى قولا داۋىرىنە ءتان اشەكەي زاتتار تابىلدى، دەپ حابارلايدى قازاقپارات ءتىلشىسى اقمولا وبلىستىق تاريحي-مادەني مۇرانى قورعاۋ جانە پايدالانۋ ورتالىعى باسشىسىنىڭ ورىنباسارى سەرىك ىسقاقوۆقا سىلتەمە جاساپ.

س. ىسقاقوۆتىڭ ايتۋىنشا، قۇندى جادىگەر اقمولا وبلىستىق تاريحي- مادەني مۇرانى قورعاۋ جانە پايدالانۋ ورتالىعى جانىنان قۇرىلعان وبلىستىق ەكسپەديتسيا تاريحي- مادەني مۇرا وبەكتىلەرىنە قورعاۋ- قۇتقارۋ جۇمىستارى كەزىندە تابىلعان.

 
اقمولا وبلىسىندا قولا ءداۋىرىنىڭ جادىگەرلەرى تابىلدى

«قازبا جۇمىستارى بارىسىندا ب. ز. دەيىنگى 7-8 -عاسىر، قولا داۋىرىنە جاتاتىن ديامەترى 8 جانە 9 مەتر ءۇش قورعاندا جۇرگىزىلدى. ونىڭ بىرىندە 4 مولانىڭ ورنى تابىلدى. بۇل مولالاردىڭ ۇشەۋى جالعان، بوس بولىپ شىقتى. ال، بىرەۋىندە ەكى التىن جانە ءبىر قولا بىلەزىك پەن قولادان جاسالعان مونشاق تابىلدى. كەڭوتكەل ارحەولوگيا ەسكەرتكىشى №2 -قابىر شۇڭقىرىندا 19 كۇيگەن اعاش قالدىقتارىن انىقتادى (بۇل كرەماتسيا ءراسىمىن سيپاتتايدى)، جانۋار سۇيەكتەرىنىڭ قالدىقتارى، ونىڭ ىشىندە وڭدەلگەن (كۇندەلىكتى ومىردە قۇرالدار رەتىندە پايدالانىلعان دەگەن بولجام بار).

ادام سۇيەكتەرى سونىمەن قاتار التىن بۇيىم تابىلدى. قولادان جاسالعان بىلەزىكتىڭ سىرتى قالىڭدىعى 2 م م- دەن اسپايتىن التىنمەن قاپتالعان. الىنعان ماتەريالعا سۇيەنە وتىرىپ، بۇل جەردە رۋباسىنىڭ ايەلىن جەرلەگەن دەگەن بولجام بار. سونداي-اق قىش ىدىستاردىڭ سىنىقتارى مەن فراگمەنتتەر تابىلدى. تابىلعان زاتتار اقمولا وبلىستىق تاريحي- ولكەتانۋ مۇراجايىنا تاپسىرىلدى»، - دەيدى سەرىك ىسقاقوۆ.


اقمولا وبلىسىندا قولا ءداۋىرىنىڭ جادىگەرلەرى تابىلدى

سونىمەن قاتار، ول ارحەولوگيالىق ەسكەرتكىشتەرگە قورعاۋ- قۇتقارۋ جۇمىستارىن جۇرگىزۋ بارىسىندا، تاريحتى زەردەلەۋ ءۇشىن قىزىقتى، باسقا دا جادىگەرلەر تابىلۋى مۇمكىن دەپ وتىر.

ايتا كەتەيىك، قولا ءداۋىرى - ادامزات قوعامىنداعى تاريحي- مادەني كەزەڭ. ول قولا مەتاللۋرگياسىنىڭ كەڭ قانات جايىپ، ەڭبەك قۇرالدارى مەن قارۋ- جاراق جاساۋعا ارنالعان نەگىزگى ماتەريالعا اينالۋىمەن سيپاتتالادى.

اتالمىش ەكسپەديتسيا ماۋسىمنىڭ 4 ى مەن شىلدەنىڭ 4 ى ارالىعىندا وتكىزىلەدى. وعان ش. ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتى مەن ا. مىرزاحمەتوۆ اتىنداعى كوكشەتاۋ ۋنيۆەرسيتەتىنىڭ ستۋدەنتتەرى جانە كوكشەتاۋ تەحنيكالىق ينستيتۋتىنىڭ كۋرسانتتارى مەن 10-11 -سىنىپ وقۋشىلارى قاتىسۋدا.

 
اقمولا وبلىسىندا قولا ءداۋىرىنىڭ جادىگەرلەرى تابىلدى


باستى سوزدەر: ايماق, قازاق تاريحئ,
:ءبولىسۋ
ونلاين قىزمەتكەرلەر
مۇراعات