قازاقستاندا مىڭنان اسا شەنەۋنىك قىزمەتىنەن بوساتىلۋى مۇمكىن
بۇل تۋرالى ۇلتتىق ەكونوميكا ءمينيسترى تيمۋر سۇلەيمەنوۆ ايتتى.
بۇل تۋرالى Sputnik قازاقستان حابارلايدى.
سۇلەيمەنوۆتىڭ سوزىنشە، بۇگىنگى تاڭدا رەسپۋليكادا ءتۇرلى دەڭگەيدى 98 مىڭ شەنەۋنىك جۇمىس ىستەيدى. زاڭ قابىلداۋ اياسىندا تالداۋ جاسالىپ، ولاردىڭ سانىن قىسقارتۋ ءۇشىن ۆەدومستۆو بويىنشا ناقتى جوسپار قۇرىلعان.
«ءبىز تالداۋ جاسادىق. نەشە شەنەۋنىكتىڭ قىسقارتىلاتىنى تۋرالى جوسپارىمىز بار. شامامەن 1131 شەنەۋنىك قىسقارتىلادى. ازىرگە جۇمىس ىستەپ جۇرگەن ادامداردى نەمەسە بوس ورىندار سانىن قىسقارتاتىنىمىز بەلگىسىز»، - دەيدى سۇلەيمەنوۆ.
شەنەۋنىكتەر سانىن قىسقارتى تۋرالى ناقتى شەشىمدى ۇكىمەت پەن پرەزيدەنت اكىمشىلىگى قابىلدايتىن بولادى.
«قابىلدانعان شارالار پرەزيدەنتتىڭ قازاقستاندا ىقشام ءارى ءتيىمدى ۇكىمەت قۇرۋ تۋرالى تاپسىرماسىن ورىنداۋعا مۇمكىندىك بەرەدى»، - دەيدى سۇلەيمەنوۆ.