17:04, 14 - ماۋسىم 2018 | GMT +6
الماتىدا وزدىگىنەن قوزعالىپ كەتكەن اۆتوبۋس قورشاۋعا سوعىلدى
الماتى. قازاقپارات - الماتىدا جۇرگىزۋشىسى قول تەجەگىشىن تارتۋدى ۇمىتىپ كەتكەن اۆتوبۋس ابايسىزدا ءجۇرىپ كەتتى، دەپ حابارلايدى قازاقپارات ءتىلشىسى.
قوعامدىق كولىك وزدىگىنەن قوزعالا كەلە گورنىي گيگانت شاعىن اۋدانىنداعى جاماقايەۆ كوشەسىندەگى №202 -ءۇيدىڭ قورشاۋىن قيراتىپ توقتاعان.
№70 اۆتوبۋس جۇرگىزۋشىسىنىڭ ايتۋىنشا، ول سوڭعى ايالداماعا توقتاپ، كولىكتى ءوشىرىپ سىرتقا شىعىپ كەتكەن. كوپ ۇزاماي- اق، اۆتوبۋس وزدىگىنەن ەڭىسكە قاراي قۇلديلاي جونەلگەن.
جۇرگىزۋشىسى كولىكتىڭ قول تەجەگىشىن تارتۋدى ۇمىتىپ كەتكەنىن مويىندادى. ابىروي بولعاندا، كوشەدە جۇرگىنشىلەر بولماعان. سول سەبەپتى ەشكىم زارداپ شەكپەدى.
