مەديتسينا قىزمەتكەرلەرى كۇنى: يسەكەشەۆ استانالىق دارىگەرلەرگە پاتەر كىلتىن تابىستادى

استانا. قازاقپارات - مەديتسينا قىزمەتكەرلەرى كۇنى قارساڭىندا استانا قالاسىنىڭ اكىمى اسەت يسەكەشەۆ دارىگەرلەرگە پاتەر كىلتىن تابىستادى، دەپ حابارلايدى قازاقپارات ءتىلشىسى.

اتاپ ايتقاندا، استانا قالاسى ونكولوگيالىق ورتالىعىنىڭ ونكولوگ- حيرۋرگى ءانۋار ابدىكارىموۆ، №1 -قالالىق اۋرۋحاناداعى تامىرلىق حيرۋرگيا ءبولىمىنىڭ دارىگەر-انگيوحيرۋرگى ازامات ابدۋللينوۆ، №1 -قالالىق اۋرۋحانانىڭ تراۆماتولوگ- ورتوپەد دارىگەرى ايان سۇلەيمەنوۆتەرگە جاڭا پاتەر كىلتى سالتاناتتى تۇردە تابىس ەتىلدى.

 

سونداي-اق، №2 -بالالار اۋرۋحاناسى حيرۋرگيالىق ينفەكسيالار ءبولىمىنىڭ مەڭگەرۋشىسى جۇماتاي ماكەنوۆ، №2 بالالار جەدەل حيرۋرگيا قابىلداۋ ءبولىمىنىڭ تراۆماتولوگ-ورتوپەدى ولجاس باينازاروۆ جانە قالالىق دەنساۋلىق ساقتاۋ باسقارماسىنىڭ باس مامانى جاننا ەسقاليەۆا باسپانالى بولدى.

 

«قالامىزدا دارىگەرلەر مەن مەديتسينا قىزمەتكەرلەرى اسقان جانكەشتىلىكپەن ەڭبەك ەتىپ كەلەدى. جىل سايىن استاناعا 50-100 مىڭ ادام كەلەدى جانە قالالىق ەمحانالارعا اۋىر جۇكتەمە تۇسەدى. كۇندەلىكتى ەلوردا ەمحانالارىنا 8,5 مىڭ تۇرعىن كەلەدى، 400 گە جۋىق ناۋقاس اۋرۋحاناعا جاتقىزىلادى، 120 عا جۋىق اۋىر ورتا جاسالادى، جەدەل جاردەم قىزمەتى 1500 شاقىرتۋعا قىزمەت كورسەتەدى. بۇل سيفرلاردىڭ ارتىندا سىزدەردىڭ باعا جەتپەس ەڭبەكتەرىڭىز تۇر»، - دەدى اسەت يسەكەشەۆ ماراپاتتاۋ راسىمىندە.

 

ايتا كەتەيىك، جىل سايىن قازاقستاندا ماۋسىم ايىنىڭ ءۇشىنشى جەكسەنبىسىندە مەديتسينا قىزمەتكەرلەرى كۇنى اتالىپ وتەدى.