+7 (701) 759 90 19 Лента
24 °С : استانا
27 °С : الماتى
USD 339.95 EUR 392.64
RUB 5.30 CNY 52.51
جاڭالىقتار

سەناتورلار «التىن ادام» سۇيەگىن جەرلەۋ ماسەلەسىن كوتەردى

14 ماۋسىم 16:30 372
:ءبولىسۋ
سەناتورلار «التىن ادام» سۇيەگىن جەرلەۋ ماسەلەسىن كوتەردى

استانا. قازاقپارات - ءبىر توپ سەنات دەپۋتاتتارى «التىن ادام» سۇيەگىن جەر قوينىنا تاپسىرۋ ۇسىنىسىن ەنگىزدى.

وسى ورايدا سەناتورلار ۇكىمەت باسشىسى باقىتجان ساعىنتايەۆتىڭ اتىنا ءتيىستى دەپۋتاتتىق ساۋالدى جولدادى، دەپ حابارلايدى قازاقپارات.

«وسى دەپۋتاتتىق ساۋالعا سەبەپ بولىپ تۇرعان تاۋەلسىز قازاقستاننىڭ ۇلتتىق سيمۆولدارىنىڭ ءبىرى - «التىن ادام». 1970 -جىلى تابىلعان جادىگەر الەمدىك تاريحي ماڭىزى بار قۇندىلىق رەتىندە يۋنەسكو-نىڭ تىزىمىنە الىنعان بولاتىن. كەزىندە ساق حانزاداسىنىڭ التىن كيىمدەرى، وزگە دە التىندار مەن تاريحي قۇندىلىعى بار بۇيىمدارى الىنىپ، سۇيەگىنىڭ وسى كۇنگە دەيىن جەر قوينىنا بەرىلمەي كەلە جاتقاندىعى جۇرتشىلىقتىڭ الاڭداتۋشىلىعىن تۋدىرا باستاعانداي. ۋاقىت وتكەن سايىن قاڭقا سۇيەكتىڭ ۇگىتىلىپ، ءبۇلىنىپ بارا جاتقاندىعىن ەسكەرە وتىرىپ، «التىن ادامنىڭ» سۇيەگىن جەر قوينىنا تاپسىراتىن كەز كەلگەندىگىن ماماندار مەن عالىمدار دا، ەل زيالىلارى دا ورىندى كوتەرىپ وتىر دەپ سانايمىز. سوندىقتان الداعى ۋاقىتتا «التىن ادامنىڭ» سۇيەگىن ۇكىمەتتىك دەڭگەيدە بۇكىل ەل بولىپ قۇرمەتتەپ جەر قوينىنا بەرۋدى جان-جاقتى ويلاستىرۋ قاجەت»، - دەدى سەناتور اڭسار مۇساحانوۆ.

ونىڭ پايىمىنشا، قازاقستاننىڭ كيەلى جەرلەرى اتتى اۋقىمدى جوبا بويىنشا مۋزەيلەندىرىلگەن قورعان اينالاسىن قازىردەن باستاپ اباتتاندىرىپ، كەشەندى جۇمىستار جۇرگىزىلسە - بولاشاقتا اتالمىش قورىق ەلىمىزدىڭ تۋريستىك الەۋەتىن كوتەرەتىن ورىنداردىڭ ءبىرى بولۋى ءسوزسىز.

«التىن ادامنىڭ» سۇيەگىن جەر قوينىنا بەرۋ، ەسىك قورعانىنىڭ الەۋەتىن الەمدىك دەڭگەيگە كوتەرۋ سياقتى وتە اۋقىمدى ءارى ماڭىزدى ءىستى ءبىر اۋداننىڭ نەمەسە ءبىر وبلىستىڭ كولەمىندە شەشۋ مۇمكىن ەمەس. وسىعان وراي اتالعان ماسەلەگە ۇكىمەت دەڭگەيىندە نازار اۋدارىلىپ، وڭ شەشىم قابىلدانۋىن سۇرايمىز»، - دەپ ءتۇيدى سەناتور.

 


باستى سوزدەر: بيلئك جانة ساياسات,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات