+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

قالامايمىز: استانالىق اتا-انالار قازاق مەكتەبىندە ورىس سىنىبىنىڭ اشىلۋىنا قارسى شىقتى

14 ماۋسىم 15:16 27
:ءبولىسۋ
قالامايمىز: استانالىق اتا-انالار قازاق مەكتەبىندە ورىس سىنىبىنىڭ اشىلۋىنا قارسى شىقتى

 استانا. قازاقپارات - استاناداعى №77-مەكتەپتىڭ اتا-انالارى شۋ كوتەرىپ، ءبىلىم باسقارماسىنىڭ باستاماسىنا قارسىلىقتارىن ءبىلدىردى.

ولار ەلورداداعى قازاق ءتىلى مەن ادەبيەتىن تەرەڭدەتىپ وقىتاتىن جالعىز ءبىلىم ورداسىنا ورىس ءتىلىنىڭ ەنگىزىلۋىن قالامايمىز دەپ وتىر. بۇل تۋرالى 31 ارناسىنا سىلتەمە جاساعان NUR. KZ حابارلايدى.

ءبىر اپتادان بەرى استاناداعى №77-مەكتەپتەن مازا قاشقان. گيمنازيادا ورىس ءتىلى سىنىپتارى اشىلادى دەگەندى ەستىگەن نارازى توپ كۇندە جينالىس وتكىزىپ، قالا اكىمدىگىنىڭ تابالدىرىعىن توزدىرۋمەن جۇرەدى ەكەن.

شاعىمدانۋشىلاردىڭ ايتۋىنشا، ونسىز دا انا تىلىنە شورقاق قالانىڭ بالالارى ۇزىلىستە ورىسشا سويلەيدى. سوندىقتان، ولار قازاق ءتىلى مەن ادەبيەتىن تەرەڭدەتىپ وقىتاتىن مەكتەپكە ورىسشا وقيتىنداردى ارالاستىرۋ ۇرپاعىمىزدىڭ بولاشاعىنا قاۋىپ توندىرەدى دەپ وتىر.

«قازاق مەكتەبىنىڭ ورىس سىنىبىن اشام دەۋى ۇلتتىڭ، ءتىلدىڭ تاعدىرىنا ەمەس، تاۋەلسىزدىكتىڭ تاعدىرىنا بالتا شابۋ. اتا-انالار سول ءۇشىن قارسى»، - دەيدى شاعىمدانۋشى اكە كوپەن ەرقاسوۆ.

مەكتەپ باسشىلىعى بولسا بۇل باستاماعا وزدەرىنىڭ دە قارسى ەكەندەرىن جەتكىزدى.

«ءبىز، ارينە، قارسىمىز. ۋستاۆ بويىنشا ءتىل مەن ادەبيەتتى دامىتىپ قانا ەمەس، سالت ءداستۇرىمىزدى، رۋحاني جاڭعىرۋ بويىنشا ۇلتتىق سانانى وقۋشىنىڭ بويىندا دارىپتەۋ»، - دەدى استانا قالاسى №77-مەكتەپ- گيمنازياسى وقۋ ءىسىنىڭ مەڭگەرۋشىسى ايمان سۇبەبايەۆا.

شۋعا قاتىستى ءوز پىكىرىن بىلدىرگەن ءبىلىم باسقارماسىنىڭ وكىلى ەش الاڭداۋدىڭ قاجەتى جوق ەكەنىن جەتكىزدى.

«ورىس سىنىپتارىن اشۋ بويىنشا شەشىم قابىلداعان جوقپىز. مەملەكەتتىك تىلدە مەكتەپ بولدى، سول بويىنشا جۇمىسىن جالعاستىرادى»، - دەدى استانا قالاسى اكىمدىگى ءبىلىم باسقارماسىنىڭ باسپا ءسوز قىزمەتى وكىلى جازيرا اسانوۆا.

 


باستى سوزدەر: قوعام,
:ءبولىسۋ
ونلاين قىزمەتكەرلەر
مۇراعات