داۋرەن ابايەۆ: «بالاپان» ارناسى انيماتسيالىق كۇي ءداستۇرىن جالعاستىرماق

استانا. قازاقپارات - ق ر اقپارات جانە كوممۋنياتسيالار ءمينيسترى داۋرەن ابايەۆ «Balapan» ارناسىنداعى «قوڭىر قاز» جوباسىن تانىستىردى، دەپ حابارلايدى قازاقپارات ءتىلشىسى. مينيستر فەيسبۋكتەگى پاراقشاسىندا انيماتسيالىق تۋىندىنىڭ ۆيدەوسىمەن ءبولىستى.

«قازاقستان» ر ت ر ك «Balapan» تەلەارناسى «قوڭىر قاز» جوباسىن نازارلارىڭىزعا ۇسىنادى. جوبا ارقىلى قازاق مۋلتيپليكاتسياسىنىڭ اتاسى امەن قايداروۆتىڭ «اقساق قۇلانىمەن» باستالعان انيماتسيالىق كۇي ءداستۇرىن قايتا جالعاماقشىمىز. جوبا اياسىندا قۇرمانعازى، داۋلەتكەرەي، قازانعاپ، دينا، سۇگىر، ىقىلاس سياقتى داۋلەسكەر كۇيشىلەرىمىزدىڭ كلاسسيكالىق تۋىندىلارى انيماتسيالانادى»، - دەپ جازادى داۋرەن ابايەۆ.

«قوڭىر قاز» توپتاماسى 2D جانردا، ەلىمىزدىڭ بەلگىلى ماماندارىنىڭ قاتىسۋىمەن جۇزەگە اسقان.

«ءار بولىمگە مادەنيەتتانۋشى زيرا ناۋرىزبايەۆا ارنايى سسەناري ازىرلەگەن. جوبانىڭ قويۋشى رەجيسسەرى - ديلشات راحماتۋللين. باستى ماقسات - ۇلى دالا مۇراسىن ۇرپاق ساناسىنا ءسىڭىرۋ»، - دەپ جازادى مينيستر.

اۆتور: ايان بەكەن ۇلى