ايەلدەرگە ايت نامازىنا بارۋ مىندەت پە؟

 استانا. قازاقپارات - ءدىن تانۋشى ابدۋسامات قاسىم ايەلدەردىڭ ايت نامازىنا بارۋىنا قاتىستى سۇراققا جاۋاپ بەردى.

بۇل تۋرالى Islam.kz حابارلايدى.

حانافي ءمازحابىنا سايكەس، جۇما نامازىن وقۋعا مىندەتتەلمەگەن ادامدارعا ايت نامازىن دا وقۋ مىندەت ەمەس ەكەن.

«پايعامبارىمىز (س. ا. ۋ.) ءوزىنىڭ ءبىر حاديسىندە: «جۇما نامازى قۇل، ايەل، جاس بالا جانە ناۋقاستان وزگە مۇسىلماندارعا پارىز»، - دەگەن. وسى حاديستە، ايەل كىسىگە جۇما نامازىنا بارۋدىڭ پارىز ەمەس ەكەندىگى اشىق ايتىلىپ وتىر. دەمەك، ايت نامازىنا دا نازىك جاندىلاردىڭ بارۋلارى شارت ەمەس. ۇيدە دە ايت نامازىن وقىمايدى.

ءدىن مامانىنىڭ سوزىنشە، ەلىمىزدەگى مەشىتتەردە ارنايى ايەلدەر ءۇشىن ناماز وقيتىن جەرلەر قاراستىرىلعان. سوندىقتان دا، بارام دەۋشىلەرگە شاريعي تۇرعىدا ەشقانداي ابەستىك جوق، دەيدى ابۋدسامات قاسىم.

«ريۋاياتتارعا قاراعاندا، پايعامبارىمىزدىڭ زامانىندا دا ايەل كىسىلەر ايت نامازىنا باراتىن»، -  دەيدى ءدىن مامانى.