+7 (701) 759 90 19 Лента
24 °С : استانا
27 °С : الماتى
USD 339.95 EUR 392.64
RUB 5.30 CNY 52.51
جاڭالىقتار

تەلەجۇرگىزۋشى رامازان ايىندا تىكەلەي ەفيرگە كيىپ شىققان كويلەگى ءۇشىن بىردەن جۇمىسىنان قۋىلدى

14 ماۋسىم 14:05 198
:ءبولىسۋ
تەلەجۇرگىزۋشى رامازان ايىندا تىكەلەي ەفيرگە كيىپ شىققان كويلەگى ءۇشىن بىردەن جۇمىسىنان قۋىلدى

 استانا. قازاقپارات - كۋۆەيتتىك تەلەجۇرگىزۋشى امال ال-اۆادي ءوزى تانىستىراتىن شوۋدىڭ تىكەلەي ەفيرى كەزىندە بىردەن جۇمىسىنان قۋىلدى.

وعان كورەرمەندەردىڭ تەلەجۇرگىزۋشىنىڭ كيىمىنە كوڭىلى تولماعانى سەبەپ بولىپتى.

بۇل تۋرالى Metro باسىلىمىنا سىلتەمە جاساپ Stan.kz حابارلايدى.

ال-اۆادي ەفير كەزىندە رەداكتورلاردىڭ شۇعىل تۇردە تىكەلەي ەفيردى توقتاتۋ كەرەكتىگىن ايتقانىن ەستىگەن. ارتىنشا 29 جاستاعى تەلەجۇرگىزۋشىنى بىردەن ارناداعى جۇمىسىنان بوساتىپتى. مۇنان كەيىن ال-اۆادي Snapchat-تەگى ەفير كەزىندە كەلىسىمشارتتا كورسەتىلگەن ەشقانداي ەرەجەنى بۇزباعانىن ايتتى.

انىقتالعانداي، تەلەجۇرگىزۋشىنىڭ جۇمىسىنان قۋىلۋىنا كورەرمەندەردىڭ ونىڭ كويلەگىنە كوڭىلى تولماعانى سەبەپ بولىپتى. ولاردىڭ پىكىرىنشە، قاسيەتتى رامازان ايىندا مۇنداي كيىم كيۋگە بولمايدى.

«تەلەجۇرگىزۋشىلەر رامازان ايى كەزىندە بارىنشا قاراپايىم بولۋى كەرەك»، - دەپ جازدى ولار Twitter جەلىسىندەگى پاراقشالارىندا.

ال ەلدە تاراعان قاۋەسەتكە سايكەس، تەلەجۇرگىزۋشىنىڭ جۇمىسىنان قۋىلۋىنا جوعارى شەندى تۇلعالاردىڭ ءبىرى ىقپال ەتكەن. الايدا ارنا بۇل نۇسقانى رەسمي تۇردە راستاعان جوق.


باستى سوزدەر: الةم,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات