ماكەدونيا باسشىسى ەل اتاۋىن وزگەرتۋدەن باس تارتتى

استانا. قازاقپارات - ماكەدونيا پرەزيدەنتى ەل اتاۋىن وزگەرتۋ تۋرالى كەلىسىمگە قول قويۋدان باس تارتتى. سكوپە تۇرعىندارى مەملەكەت باسشىسىن قولداپ، نارازىلىق شاراسىن ۇيىمداستىرعان. مىڭداعان ادام ۇكىمەتتىڭ وتستاۆكاعا كەتۋىن تالاپ ەتتى.

 ەستەرىڭىزگە سالا كەتەيىك، بۇعان دەيىن ەل پرەمەر- ءمينيسترى زوران زايەۆ باسپا ءسوز وكىلدەرىنە بەرگەن سۇحباتىندا مەملەكەتتىڭ «سولتۇستىك ماكەدونيا رەسپۋبليكاسى» دەپ اتالاتىنىن مالىمدەگەن ەدى. بۇل شەشىمدى تاريحي ماڭىزى زور وقيعا دەپ اتاپ، ەلدىڭ وركەندەۋىنىڭ كەپىلى ەكەنىن العا تارتتى.

ەۋرو وداقتىڭ ديپلوماتيا باسشىسى فەدەريكو موگەريني مەن ناتو- نىڭ باس حاتشىسى يەنس ستولتەنبەرگ تە باستامانى قۇپتادى. موگەرينيدىڭ ايتۋىنشا، رەسمي سكوپە مەن افين قول جەتكىزگەن كەلىسىم وڭتۇستىك- شىعىس ەۋروپانىڭ جاندانۋىنا سەپتىگىن تيگىزەدى. ال ستولتەنبەرگ بولسا: «جاڭا اتاۋ ايماقتاعى بەيبىتشىلىك پەن تۇراقتىلىقتى نىعايتا تۇسەدى»، -  دەدى. ەندى ەل كەلىسپەي وتىر.

ايتا كەتەيىك، وسى اتاۋعا بايلانىستى افين مەن سكوپە اراسىنداعى داۋ- دامايدىڭ باستالعانىنا 25  جىلدان استى. گرەكيا ەلدەگى ماكەدونيا وبلىسىمەن شاتىستىرماس ءۇشىن، رەسپۋبليكا اتاۋىن وزگەرتۋدى تالاپ ەتىپ كەلگەن.

www.24.kz