+7 (701) 759 90 19 Лента
18 °С : استانا
35 °С : الماتى
USD 360.12 EUR 409.67
RUB 5.33 CNY 52.34
جاڭالىقتار

قازاقستان ارالدى قۇتقارۋعا ارنالعان جوبالاردى قولداۋعا ءازىر - گۇلشارا ءابدىقالىقوۆا

14 ماۋسىم 13:16 423
:ءبولىسۋ
قازاقستان ارالدى قۇتقارۋعا ارنالعان جوبالاردى قولداۋعا ءازىر - گۇلشارا ءابدىقالىقوۆا

استانا. قازاقپارات - ق ر مەملەكەتتىك حاتشىسى گۇلشارا ءابدىقالىقوۆا تۇرىكمەنستاننىڭ قازاقستانداعى توتەنشە جانە وكىلەتتى ەلشىسى تويلى كومەكوۆپەن كەزدەستى، دەپ حابارلايدى قازاقپارات ءتىلشىسى.

كەزدەسۋ كەزىندە گ. ءابدىقالىقوۆا ەكى ەلدىڭ اراسىنداعى بايلانىستاردىڭ كۇشەيىپ كەلە جاتقانىن ايرىقشا اتاپ ءوتتى. وعان قازاقستان مەن تۇرىكمەنستان پرەزيدەنتتەرىنىڭ قارىم-قاتىناسى سەرپىن بەرىپ وتىر.

«وتكەن جىلى پرەزيدەنتتەرىڭىز قازاقستانعا مەملەكەتتىك ساپارمەن كەلىپ كەتتى. سول كەزدە ونداعان كەلىسىم راسىمدەلدى. اتالعان قۇجاتتاردىڭ ىشىندە ستراتەگيالىق ارىپتەستىك تۋرالى كەلىسىم دە بار. ەكى ەلدىڭ باسشىلارى اۋقىمدى ءارى باتىل ماقساتتاردى قويدى. اتاپ ايتقاندا، ءوزارا تاۋار اينالىمىن بارىنشا ارتتىرۋ قاجەت. سوندىقتان اتقارىلاتىن جۇمىس كوپ»، - دەدى گ. ءابدىحالىقوۆا.

مەملەكەتتىك حاتشى ارالدى قۇتقارۋ قورىنىڭ جۇمىسىنا دا توقتالدى. سەبەبى اتالعان ۇيىمنىڭ ءتوراعالىعى تۇرىكمەنستان مەملەكەتىنە تاپسىرىلعان بولاتىن. «وسى ورايدا ءبىرقاتار ماڭىزدى جوبالار بار. ءبىز ونىڭ بارلىعىن قولداۋعا دايىنبىز. جالپى، ءبىز تىعىز قارىم-قاتىناس جاساۋعا مۇددەلى بولىپ وتىرمىز. قازىر ءبىزدىڭ ەلىمىزدە ماڭىزدى ءبىر كەزەڭ باستالدى. ۇلكەن رەفورمالار قولعا الىنىپ جاتىر. ەكونوميكا جاعىنان دا، ساياسات جاعىنان وزگەرىستەر كوپ. ارينە، الەۋمەتتىك سالا دا نازاردان تىس قالمادى. ءسىز پرەزيدەنتىمىزدىڭ بەس الەۋمەتتىك باستاماسى جايىندا ەستىگەن شىعارسىز. ونىڭ ىشىندە باسپانامەن قامتۋ، ءبىلىم بەرۋ، شاعىن نەسيەنى كوبەيتۋ، گازبەن قامتۋ سياقتى ماڭىزدى ماسەلەلەر بار. سونىڭ بارلىعىن ىسكە اسىرعاندا بىرلەسىپ جۇمىس ىستەۋگە ءازىرمىز»، - دەپ اتاپ كورسەتتى گ. ءابدىحالىقوۆا.

ايتا كەتەيىك، وتكەن جىلى قازاقستان مەن تۇرىكمەنستان اراسىنداعى تاۋار اينالىمى 99,3 ميلليون دوللاردى قۇرادى.


باستى سوزدەر: بيلئك جانة ساياسات,
:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات