+7 (701) 759 90 19 Лента
18 °С : استانا
35 °С : الماتى
USD 360.12 EUR 409.67
RUB 5.33 CNY 52.34
جاڭالىقتار

مەملەكەت باسشىسى قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى ا. جۇدەبايەۆتى قابىلدادى

14 ماۋسىم 12:27 467
:ءبولىسۋ
مەملەكەت باسشىسى قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى ا. جۇدەبايەۆتى قابىلدادى

استانا. قازاقپارات-  كەشە ەلباسى نۇرسۇلتان نازاربايەۆ قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى ارمان جۇدەبايەۆتى قابىلدادى.

«ۇشقان ۇياڭ، تاربيە ءتورىڭ، كەيىن وركەستر باسقاردىڭ، شەبەرلىگىڭ تولىستى، تاڭداۋلى 100 ەسىمگە اتىڭ جازىلدى. ەندىگى جەردە كونسەرۆاتوريانى باسقارۋعا ابدەن شاماڭ كەلەدى. سول سەبەپتى ساعان ۇلكەن سەنىم ارتىلدى»، - دەدى ەلباسى.

نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:

 - ءبىز «100 جاڭا ەسىم» دەگەندە كەزدەستىك. ونى جەڭگەنىڭ دە بەكەر ەمەس. ءالى جاسسىڭ، ءبىراق مۋزىكانتقا جاستىڭ قانداي قاتىسى بار. قازاقستاندادا، دۇنيەجۇزىندە دە كورسەتتىڭ. ەڭ ۇلكەن وركەستردى باسقارىپ ءجۇرسىڭ. كونسەرۆاتورياعا رەكتور قىلىپ تاعايىنداۋ ءۇشىن شاقىرىپ وتىرمىن. سونى ءوزىڭ ءبىتىردىڭ، ۇشقان ۇياڭ.

 ارمان جۇدەبايەۆ، قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى:

 - سەنىمىڭىزدى اقتايمىن دەپ ويلايمىن. سول كونسەرۆاتوريادا وقىدىق، قارا شاڭىراق، سوندا ەكى ماماندىق بويىنشا ءبىلىم الىپ، شەتەلدەردە شەبەرلىگىمىزدى شىڭدادىق. قولىمنان كەلەدى دەپ ويلايمىن. ءارى قاراي ۇلتتىق ونەرىمىزدى جاڭعىرتۋ ءۇشىن ۇلەسىمدى قوسامىن.

ارمان ءادىلحان ۇلى -  1986 -جىلى 17 - قىركۇيەكتە الماتى وبلىسى قاپشاعاي قالاسىندا دۇنيەگە كەلگەن.

احمەت جۇبانوۆ اتىنداعى دارىنداعى بالالارعا ارنالعان مۋزىكالىق ورتا مەكتەپ ينتەرناتىنىڭ تۇلەگى. 2004 -جىلى قۇرمانعازى اتىنداعى قازاق ۇلتتىق كونسەرۆاتورياسىنىڭ حالىق مۋزىكا فاكۋلتەتىنىڭ دومبىرا ماماندىعى بويىنشا جانە 2005 - جىلى قوسىمشا ديريجەرلاۋ ماماندىقتارىنا وقۋعا ءتۇسىپ، ۇزدىك بىتىرگەن. 2009 -جىلى قۇرمانعازى اتىنداعى قازاق ۇلتتىق كونسەرۆاتورياسىنىڭ ماگيستراتۋرا عىلىمي- پەداگوگيكالىق باعىتىندا ديريجەرلاۋ ماماندىعى بويىنشا كونكۋرس نەگىزىندە مەملەكەتتىك گرانتىنا يە بولىپ، 2011 -جىلى ونەر تانۋ ماگيسترى اكادەميالىق دارەجەسىن الادى.

2009-2013 - جىلدار ارالىعىندا اتالمىش وقۋ ورنىندا وقىتۋشى قىزمەتىمەن قاتار، ستۋدەنتتىك ۇلت اسپاپتارى وركەستىرىنىڭ كوركەمدىك جەتەكشىسى جانە باس ديريجەرى قىزمەتىن اتقارادى.

2013 - جىلدىڭ قىركۇيەگىنەن باستاپ قۇرمانعازى اتىنداعى قازاق مەملەكەتتىك اكادەميالىق حالىق اسپاپتارى وركەسترىنىڭ باس ديريجەرى قىزمەتىن اتقارعان.

«دارىن» مەملەكەتتىك جاستار سىيلىعىنىڭ يەگەرى.

www.24.kz


باستى سوزدەر: بيلئك جانة ساياسات,
:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات