+7 (701) 759 90 19 Лента
18 °С : استانا
35 °С : الماتى
USD 360.12 EUR 409.67
RUB 5.33 CNY 52.34
جاڭالىقتار

بۋراباي كۋرورتىنىڭ ءبىرىڭعاي ساۋلەت كەلبەتى قالىپتاستىرىلۋدا

14 ماۋسىم 12:12 294
:ءبولىسۋ
بۋراباي كۋرورتىنىڭ ءبىرىڭعاي ساۋلەت كەلبەتى قالىپتاستىرىلۋدا

كوكشەتاۋ. قازاقپارات - اقمولا وبلىسىندا بۋراباي كۋرورتىنىڭ ءبىرىڭعاي ساۋلەت كەلبەتى قالىپتاستىرىلاتىن بولادى، دەپ حابارلايدى قازاقپارات ءتىلشىسى.

«اقمولا وبلىسىنىڭ ءىنجۋ-مارجانى - بۋراباي كۋرورتىنىڭ ءبىرىڭعاي ساۋلەت كەلبەتىن قالىپتاستىرۋ بويىنشا جۇمىستار اتقارىلۋدا. ورتالىق الاڭدا اباتتاندىرۋ جۇمىستارى جوعارى قارقىنمەن جۇرگىزىلۋدە. ونىڭ ىشىندە جول جيەگىنە بەدەر تاستار توسەلىپ، گۇلزارلار وتىرعىزۋ جۇمىستارى اياقتالۋعا جاقىن قالدى. سونداي-اق، قازىرگى زامانعى تالاپتارعا ساي تاماقتانۋ ورىندارى اشىلۋدا»، - دەپ جازدى وبلىس اكىمى مالىك مىرزالين فەيسبۋكتەگى جەكە پاراقشاسىندا.

سونىمەن قاتار، ايماق باسشىسى الداعى ۋاقىتتا قوعامدىق تاماقتانۋ ورىندارى دا كوپتەپ اشىلاتىنىن اتاپ ءوتتى.

«جاقىن كۇندەرى كۋرورتتىق ايماقتا تۋريستەر اراسىندا سۇرانىسقا يە 20 دان استام street food پاۆيليوندارىن اشۋ جوسپاردا بار. قازىردىڭ وزىندە ورتالىق جاعاجايعا اپاراتىن اللەيانىڭ بويىندا بۋرابايعا دەمالۋعا كەلگەن العاشقى تۋريستەردى كەزدەستىرۋگە بولادى. جارىقتاندىرىلعان كوشەلەردىڭ بويىندا ورناتىلعان ورىندىقتاردا اقپاراتتىق باعىت-باعدارلار مەن  «I love Burabay» بەلگىسى قويىلعان. مۇندا جول، عيماراتتاردىڭ سىرتقى كەلبەتى قالپىنا كەلتىرىلىپ، ماڭايى اباتتاندىرىلۋدا»، - دەيدى اكىم.


باستى سوزدەر: قوعام, ايماق,
:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات