قازاقستان مەن ومان شەنەۋنىكتەردى ۆيزادان بوساتۋعا كەلىستى
ق ر سىرتقى ساياسات ۆەدومستۆوسىنان ءمالىم ەتكەندەي، قۇجاتقا قازاقستاننىڭ ومانداعى ەلشىسى ەرجان مۇقاش پەن ومان سىرتقى ىستەر ءمينيسترىنىڭ ورىنباسارى مۋحامەد بين يۋسۋف بين قاسىم از- زارافي قول قويدى.
ۇكىمەت ارالىق كەلىسىمگە قول قويۋ - ەكى ەل اراسىنداعى شارتتىق- قۇقىقتىق بازانى جۇيەلى كەڭەيتۋگە ماڭىزدى قادام بولدى.
ايتا كەتەر ءجايت، وتكەن جىلى ومان ۇكىمەتىنىڭ شەشىمى بويىنشا قازاقستان ازاماتتارى ا ق ش، كانادا، اۋستراليا، ۇلى بريتانيا، سونداي- اق شەنگەن كەلىسىمى ەلدەرىنىڭ ۆيزالارى نەمەسە وسى ەلدەردە تۇراقتى تۇرۋعا رۇقساتتارى بار بولعان جاعدايدا، تۋريستىك ۆيزالاردى ۆەب- سايت ارقىلى (ە- ۆيزا) جەرگىلىكتى دەمەۋشىسىز الا الاتىن 25 ەلدىڭ تىزىمىنە ەنگىزىلدى. بۇل جاعداي قازاقستان مەن ومان اراسىندا ەكىجاقتى تۋريزم سالاسىنداعى قارىم- قاتىناستاردى نىعايتۋعا مۇمكىندىك بەرەتىنى ءسوزسىز.
ءوز كەزەگىندە ومان سۇلتاندىعى قازاقستان ۆيزاسىن شاقىرۋسىز، جەڭىلدەتىلگەن ءتارتىپ بويىنشا قىسقا مەرزىمگە الا الاتىن 48 مەملەكەتتىڭ قاتارىنا ەنەدى.