+7 (701) 759 90 19 Лента
17 °С : استانا
33 °С : الماتى
USD 360.12 EUR 409.67
RUB 5.33 CNY 52.34
جاڭالىقتار

اياقتاعى تامىرلار كورىنىپ، ىڭعايسىزدىق تۋدىرسا

14 ماۋسىم 10:59 499
:ءبولىسۋ
اياقتاعى تامىرلار كورىنىپ، ىڭعايسىزدىق تۋدىرسا

 استانا. قازاقپارات - كەيبىر ارۋلار كوكتامىرلاردىڭ تۇينەلىپ كەڭەيۋى ماسەلەسىنە شالدىعادى. ونى قالاي ەمدەيمىز؟ ءداستۇرلى مەديتسينانى قولدانىپ، «ۆاريكوزدى» كەتىرۋگە بولا ما؟

سارىمساق

اق سارىمساقتىڭ تازارتىلعان تىلىمدەرىن ۇساقتاپ كەسىڭىز. ونى سارى مايمەن 1:2 قاتىناسىندا ارالاستىرىڭىز. دايىن قوسپانى تامىرلارى كورىنىپ تۇراتىن جەرگە جاعىپ، جىلى ورامالمەن وراپ تاستاپ، ۇيىقتاڭىز. تاڭەرتەڭ اياقتى جاقسىلاپ جۋىپ، جىلى شۇلىق كيىپ الىڭىز.

قىزاناق

2 جاسىل قىزاناقتى كەسىپ، تامىردىڭ ۇستىنەن باسىپ، بينتپەن وراپ تاستاڭىز. ءۇش ساعاتتان سوڭ ءبينتتى شەشىپ، اياقتى جىلى سۋدا 15 مينۋتتاي ۇستاۋ كەرەك.

ءشوپتى قوسپا

قۇرعاق جۋساندى جىلى، قىزدىرىلعان سۇتپەن ارالاستىرىڭىز. ناتيجەسىندە پاستا تەكتەس قوسپا بولۋى كەرەك. ونى اياققا جاعىپ، بينت نەمەسە جىلى ورامالمەن وراڭىز.

ءشوپ سۋسىنى

بۇل ەم ۇزاق بولعانىمەن، وتە پايدالى ءارى قاۋىپسىز. 5-7 اي بويى ارنايى دايىندالعان سۋسىندى ءىشىپ ءجۇرۋىڭىز كەرەك. 2 اس قاسىق ۇنتاقتالعان قالاقايعا سۋ قۇيىپ، ءبىر ساعات جىلى جەردە قاقپاعىن جاۋىپ، تۇندىرىڭىز. سودان سوڭ سۋسىندى ءسۇزىپ، كۇنىنە ءۇش رەت ¼ ستاقاننان ءىشىپ وتىرىڭىز. ءۇش-بەس اپتا بويى ءىشىپ جۇرگەن سوڭ ون-ون ءتورت كۇن دەمالۋ كەرەك. سودان سوڭ قايتادان ەمدى جالعاستىرعان ءجون. سونىمەن قاتار مايلى، قۋىرىلعان تاعامنان باس تارتۋ كەرەك.

قۇلماق سۋسىنى

قۇرعاق قۇلماق تۇيىنىنە ءبىر ستاقان قايناعان سۋ قۇيىپ، ءۇش مينۋت باياۋ وتقا قويىپ، قايناتىڭىز. جىلى جەردە قاقپاعىن جاۋىپ، تۇندىرىڭىز. بۇل سۋسىندى ءۇش اي بويى كۇندە تاماقتانۋ الدىندا 20 مينۋت بۇرىن ءىشۋ كەرەك.

جۇپار جاڭعاعى

بىرنەشە جۇپار جاڭعاعىن ۇن تەكتەس بولعانىنشا ۇساقتاڭىز. ول ءۇشىن كوفەتارتقىشتى پايدالانۋعا بولادى. 1 اس قاسىعىنا 1 ستاقان قايناعان سۋ قۇيىپ، 5-10 مينۋتتان سوڭ 1 اس قاسىق بالمەن ارالاستىرىڭىز. تۇنبانى بىرنەشە ساعات جىلى جەردە ۇستاۋ كەرەك. بۇل سۋسىندى كۇنىنە 3 مەزگىل، تاماقتانۋعا 20 مينۋت قالعاندا ¼ ستاقان كولەمىندە ءىشىپ تۇرىڭىز.


باستى سوزدەر: قوعام, دەنساۋلىق,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات