قازاقستاندا ماگيستراتۋرا، دوكتورانتۋرا جانە رەزيدەنتۋراعا ءتۇسۋ ەرەجەلەرى وزگەردى

استانا. قازاقپارات - ق ر ۇكىمەتىنىڭ قاۋلىسىمەن جوعارى وقۋ ورنىنان كەيىن ماگيستراتۋرا مەن دوكتورانتۋراعا، سونداي-اق ج و و- لار مەن عىلىمي ۇيىمداردىڭ رەزيدەنتۋراسىنا ءتۇسۋ قاعيدالارىنا وزگەرىستەر ەنگىزىلدى، دەپ حابارلايدى قازاقپارات ءتىلشىسى.

قاۋلى ءماتىنى بۇگىن باسپا سوزدە جاريالاندى.

وعان سايكەس، ج و و ماگيستراتۋراسىنا، دوكتورانتۋراسىنا، ج و و- لار مەن عىلىمي ۇيىمداردىڭ رەزيدەنتۋراسىنا تۇسۋشىلەردىڭ وتىنىشتەرىن قابىلداۋ 3-31- شىلدە ارالىعىندا جۇرگىزىلەدى.

ماگيستراتۋراعا، رەزيدەنتۋراعا، دوكتورانتۋراعا شەت ءتىلى بويىنشا ءتۇسۋ ەمتيحاندارى - 10-15 تامىز ارالىعىندا، ماماندىق بويىنشا -16-20- تامىز ارالىعىندا، قابىلداۋ 25- تامىزعا دەيىن جۇرگىزىلەدى.

وقىتۋ اعىلشىن تىلىندە جۇرگىزىلەتىن بەيىندى ماگيستراتۋرادا ءبىلىم الۋ ءۇشىن كەشەندى تەستىلەۋ 10-15- تامىز ارالىعىندا جۇرگىزىلەدى.

دوكتورانتۋراعا كەمىندە 1 جىل ەڭبەك ءوتىلى جانە «ماگيستر» دارەجەسى بار نەمەسە مەديتسينا ماماندىقتارى بويىنشا رەزيدەنتۋرادا وقۋىن بىتىرگەن جانە كەمىندە 3 جىل ەڭبەك ءوتىلى بار ادامدار قابىلدانادى.

عىلىمي-پەداگوگيكالىق ماگيستراتۋراعا، ونىڭ ىشىندە وقىتۋ اعىلشىن تىلىندە جۇرگىزىلەتىن ماگيستراتۋراعا ءتۇسۋشى ادامدار، سونداي-اق وقۋعا دايىندىعىن انىقتاۋعا ارنالعان قازاق نەمەسە ورىس تىلىندەگى (تاڭداۋ بويىنشا) تەست پەن ماماندىق بويىنشا اعىلشىن تىلىندەگى تەستىدەن تۇراتىن كەشەندى تەستىلەۋ تاپسىرا الادى.

وقىتۋ اعىلشىن تىلىندە جۇرگىزىلەتىن بەيىندى ماگيستراتۋراعا ءتۇسۋشى ادامدار وقۋعا دايىندىعىن انىقتاۋعا ارنالعان قازاق نەمەسە ورىس تىلىندەگى (تاڭداۋ بويىنشا) تەست پەن ماماندىق بويىنشا اعىلشىن تىلىندەگى تەستىدەن تۇراتىن كەشەندى تەستىلەۋ تاپسىرادى.

ماگيستراتۋراعا، رەزيدەنتۋراعا، دوكتورانتۋراعا شەت ءتىلى بويىنشا ءتۇسۋ ەمتيحانىن عىلىمي-پەداگوگيكالىق ماگيستراتۋرادا وقۋ ءۇشىن، ونىڭ ىشىندە وقىتۋ اعىلشىن تىلىندە جۇرگىزىلەتىن ماگيستراتۋرادا جانە بەيىندى ماگيستراتۋرادا وقۋ ءۇشىن كەشەندى تەستىلەۋدى قازاقستان رەسپۋبليكاسى ءبىلىم جانە عىلىم مينيسترلىگىنىڭ ۇلتتىق تەستىلەۋ ورتالىعى (بۇدان ءارى - ۇ ت و) جۇرگىزەدى.

شەت ءتىلى بويىنشا ءتۇسۋ ەمتيحانىنىڭ، عىلىمي-پەداگوگيكالىق ماگيستراتۋرادا وقۋ ءۇشىن، ونىڭ ىشىندە وقىتۋ اعىلشىن تىلىندە جۇرگىزىلەتىن ماگيستراتۋرادا، جانە وقىتۋ اعىلشىن تىلىندە جۇرگىزىلەتىن بەيىندى ماگيستراتۋرادا وقۋ ءۇشىن كەشەندى تەستىلەۋدىڭ ناتيجەسى بويىنشا سەرتيفيكات بەرىلەدى.

بۇل رەتتە ج و و- نىڭ قابىلداۋ كوميسسياسى ۇسىنىلاتىن سەرتيفيكاتتاردىڭ ءتۇپ نۇسقالىعىن تەكسەرەدى.

شەت ءتىلى بويىنشا ءتۇسۋ ەمتيحاندارى جانە عىلىمي-پەداگوگيكالىق ماگيستراتۋرادا وقۋ ءۇشىن، ونىڭ ىشىندە وقىتۋ اعىلشىن تىلىندە جۇرگىزىلەتىن ماگيستراتۋرادا جانە وقىتۋ اعىلشىن تىلىندە جۇرگىزىلەتىن بەيىندى ماگيستراتۋرادا وقۋ ءۇشىن كەشەندى تەستىلەۋ ۇ ت و ازىرلەگەن تەحنولوگيا بويىنشا وتكىزىلەدى.

شەت ءتىلى بويىنشا ءتۇسۋ ەمتيحاندارى جانە عىلىمي-پەداگوگيكالىق ماگيستراتۋرادا وقۋ ءۇشىن، ونىڭ ىشىندە وقىتۋ اعىلشىن تىلىندە جۇرگىزىلەتىن ماگيستراتۋرادا جانە وقىتۋ اعىلشىن تىلىندە جۇرگىزىلەتىن بەيىندى ماگيستراتۋرادا وقۋ ءۇشىن كەشەندى تەستىلەۋ ءبىلىم بەرۋ سالاسىنداعى ۋاكىلەتتى ورگان بەلگىلەيتىن ءتۇسۋ ەمتيحاندارىن قابىلداۋ پۋنكتتەرىندە وتكىزىلەدى.

اپەللياتسيالىق كوميسسيا شەت ءتىلى بويىنشا ءتۇسۋ ەمتيحاندارى جانە عىلىمي-پەداگوگيكالىق ماگيستراتۋرادا ءبىلىم الۋ ءۇشىن، ونىڭ ىشىندە وقىتۋ اعىلشىن تىلىندە جۇرگىزىلەتىن ماگيستراتۋرادا جانە وقىتۋ اعىلشىن تىلىندە جۇرگىزىلەتىن بەيىندى ماگيستراتۋرادا وقۋ ءۇشىن كەشەندى تەستىلەۋ بويىنشا اپەللياتسيانى قاراۋ ناتيجەلەرىن رەسپۋبليكالىق اپەللياتسيالىق كوميسسياعا جىبەرەدى. رەسپۋبليكالىق اپەللياتسيالىق كوميسسيا اپەللياتسيالىق كوميسسيا ۇسىنىسىنىڭ نەگىزدىلىگىن قارايدى جانە اپەللياتسيالىق كوميسسيانىڭ ۇسىنىسى كەلىپ تۇسكەننەن كەيىن ءبىر كۇن ىشىندە شەت ءتىلى بويىنشا ءتۇسۋ ەمتيحاندارىنىڭ نەمەسە عىلىمي- پەداگوگيكالىق ماگيستراتۋرادا وقۋ ءۇشىن، ونىڭ ىشىندە وقىتۋ اعىلشىن تىلىندە جۇرگىزىلەتىن ماگيستراتۋرادا جانە وقىتۋ اعىلشىن تىلىندە جۇرگىزىلەتىن بەيىندى ماگيستراتۋرادا وقۋ ءۇشىن كەشەندى تەستىلەۋ ناتيجەلەرىن اپەللياتسياعا بەرگەن ادامعا بالدار قوسۋ تۋرالى شەشىم قابىلدايدى.

ماگيستراتۋرا، رەزيدەنتۋرا جانە دوكتورانتۋراعا ادامداردى قابىلداۋ كەشەندى تەستىلەۋ قورىتىندىلارى بويىنشا مىناداي بال جيناعان جاعدايدا جۇزەگە اسىرىلادى: عىلىمي- پەداگوگيكالىق ماگيستراتۋراعا جانە دوكتورانتۋراعا شەت ءتىلى بويىنشا - كەمىندە 50 بال جانە ماماندىعى بويىنشا - كەمىندە 50 بال، ال بەيىندى ماگيستراتۋراعا، رەزيدەنتۋراعا شەت ءتىلى بويىنشا - كەمىندە 30 بال جانە ماماندىعى بويىنشا - كەمىندە 50 بال؛ عىلىمي- پەداگوگيكالىق ماگيستراتۋرادا، ونىڭ ىشىندە وقىتۋ اعىلشىن تىلىندە جۇرگىزىلەتىن ماگيستراتۋرادا جانە اعىلشىن تىلىندە بەيىندى ماگيستراتۋرادا وقۋ ءۇشىن - كەمىندە 19 بال، ونىڭ ىشىندە وقۋعا دايىندىعىن انىقتاۋعا ارنالعان تەست بويىنشا - كەمىندە 5 بال، ماماندىق بويىنشا: ءبىر دۇرىس جاۋاپ تاڭداۋ بويىنشا - كەمىندە 6 بال، ءبىر نەمەسە بىرنەشە دۇرىس جاۋاپ تاڭداۋ بويىنشا - كەمىندە 8 بال.