+7 (701) 759 90 19 Лента
4 °С : استانا
12 °С : الماتى
USD 361.15 EUR 414.71
RUB 5.53 CNY 52.07
جاڭالىقتار

شىمكەنت زووباعىندا «افريكا» ايماعى اشىلدى

14 ماۋسىم 08:29 458
:ءبولىسۋ
شىمكەنت زووباعىندا «افريكا» ايماعى اشىلدى

شىمكەنت. قازاقپارات - بۇگىن وڭتۇستىك قازاقستان وبلىسىندا «استانانىڭ 20 جىلدىعىنا - 20 نىسان» اكسياسى اياسىندا شىمكەنت زووباعىنىڭ «افريكا» زوولوگيالىق ايماعى پايدالانۋعا بەرىلدى، دەپ حابارلايدى ءوڭىر باسشىسىنىڭ باسپا ءسوز قىزمەتى.

سالتاناتتى جيىنعا ارنايى قاتىسقان وبلىس اكىمى جانسەيىت تۇيمەبايەۆ قالا تۇرعىندارى مەن قوناقتارىن ايتۋلى شارامەن قۇتتىقتاپ، جاڭادان اشىلعان نىساندى ارالاپ كوردى.

ايماق باسشىسى بۇل جاڭالىق جۋىردا عانا ميلليوندى قالا اتانعان شاھار ءۇشىن ۇلكەن سىي بولعانىن جەتكىزدى.

«ەلىمىزدە جالپى 3  زووساياباق بولسا، سونىڭ ءبىرى ءبىزدىڭ وبلىستا ورنالاسقان. وسى نىساندى جاڭعىرتۋ ماقساتىندا بىلتىر زووباقتا قايتا قۇرۋ جۇمىستارى باستالعان بولاتىن. مەردىگەرلەر وزىنە تاپسىرىلعان مىندەتتى ورىنداپ، جۇمىستى جوسپار بويىنشا اياقتاپ وتىر. ءبىزدىڭ باقتىڭ وزگە زووباقتاردان ەرەكشەلىگى قايتا قۇرۋدان سوڭ پايدالانۋعا بەرىلگەن «افريكا» كونتينگەنتىندەگى پاۆيلوندار اشىق تابيعي ورتاعا بەيىمدەلگەن. مەرەكە نەمەسە دەمالىس كۇندەرىندە زووباققا كەلەتىن تۇرعىندار سانى از ەمەس. ەندى بۇگىنگى «افريكا» ايماعى اشىلعان سوڭ قىدىرۋشىلار سانى بۇرىنعىدان دا كوبەيەدى دەپ سەنەمىز»، - دەدى جانسەيىت قانسەيىت ۇلى.

 
شىمكەنت زووباعىندا «افريكا» ايماعى اشىلدى

سونداي- اق، ءوڭىر باسشىسى ەلوردامىز - استانا قالاسىنىڭ 20 جىلدىعىنا شىمكەنت قالاسىنىڭ ميلليون تۇرعىندارى اتىنان استانا قالاسىنا جانۋاردىڭ 20 ءتۇرىن سىيعا تارتاتىنىن اتاپ ءوتتى.

 
شىمكەنت زووباعىندا «افريكا» ايماعى اشىلدى

ەلورداعا شىمكەنتتەن ارىستان، امۋر جولبارىسى، پۋما، قوڭىر ايۋ سەكىلدى جىرتقىشتار مەن كەزقۇيرىق، تىلەمىش، تازقارا، ۇكى قۇستارى جانە باسقا دا جانۋارلار تارتۋ ەتىلمەك.

 
شىمكەنت زووباعىندا «افريكا» ايماعى اشىلدى

 جالپى «افريكا» زوولوگيالىق ايماقتىق قۇرىلىس جۇمىسى وتكەن جىلدىڭ ءساۋىر ايىندا باستالعان. جوبانىڭ قۇنى  627114 مىڭ تەڭگەنى قۇرايدى.


شىمكەنت زووباعىندا «افريكا» ايماعى اشىلدى

ايتا كەتەيىك، شىمكەنت زووباعى 1980 -جىلى قۇرىلعان. زووباقتىڭ ماقساتى - سيرەك كەزدەسەتىن جانە جويىلىپ جاتقان جان- جانۋارلاردى ساقتاپ، ولاردى كوبەيتۋ. قۇرىلعان كەزدە زووباقتا 75 ءتۇرلى اڭ بولسا، بۇگىندە 249 ءتۇرلى  2565 جانۋارعا جەتكەن.

سونداي- اق، مۇندا جىل سايىن كەلۋشىلەر سانى دا ارتىپ كەلەدى. ماسەلەن، 2017 -جىلى كەلۋشىلەر سانى 426 مىڭعا جەتسە، وسى جىلدىڭ 3 ايىندا 60 مىڭنان استام ادام كەلگەن. زووباقتىڭ جالپى اۋماعى 29 گەكتاردى قۇرايدى. ونىڭ 19 گەكتارى ءتۇرلى ەكسپوزيتسياعا ارنالعان. شىمكەنت زووباعى ە ا ر ا ز ا- نىڭ مۇشەسى (ەۋرازيالىق اكۆاريۋمدەر مەن زووباقتار اسسوساتسياسى).


شىمكەنت زووباعىندا «افريكا» ايماعى اشىلدى


باستى سوزدەر: ايماق,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات