گولوۆكين مەن «كانەلونىڭ» ەكىنشى كەزدەسۋىنىڭ وتەتىنى رەسمي تۇردە جاريا ەتىلدى
الايدا ول ارتىنان جەكپە-جەكتىڭ وتەتىنى تۋرالى ايتتى، دەپ جازادى Sports.kz.
وسىلايشا، گولوۆكين كىرىستەردى %42,5/%57,5 ۇستانىمى بويىنشا، بولۋگە كەلىستى، دەۋگە بولادى. ياعني بۇل جەردە پايدانى كانەلو كوبىرەك كورەدى نەمەسە ولار كىرىستى باسقاشا ءبولىسۋدىڭ جولىن تاپتى.
«مەن ءبىزدىڭ جەكپە-جەگىمىزدىڭ قىركۇيەكتىڭ 15 ىندە وتەتىنىن سىزدەرگە قۋانا-قۋانا حابارلايمىن! «كانەلو» - GGG II، دەپ جازدى دە لا حويا تۆيتتەرگە.
كەزدەسۋ ادەتتەگىسىنشە، سول لاس-ۆەگاستاعى T- Mobile Arena دا وتەتىن بولۋى كەرەك. ويتكەنى الۆارەستىڭ كومانداسىنىڭ جاقىندا عانا وسى ارەنانى جالداعاندىعى بەلگىلى بولدى.
گولوۆكين- «كانەلو» كەزدەسۋى 2017-جىلدىڭ 16-قىركۇيەگىندە وتكەن بولاتىن. جەكپە-جەك تەڭدەي اياقتالدى، الايدا ول كوپ داۋ تۋدىردى. بوكس الەمىنىڭ كوپتەگەن وكىلدەرىنىڭ پىكىرىنشە، تورەشىلەر قازاقستاندىق بوكسشىنىڭ جەتىستىگىن دۇرىس باعالامادى.