+7 (701) 759 90 19 Лента
4 °С : استانا
12 °С : الماتى
USD 361.15 EUR 414.71
RUB 5.53 CNY 52.07
جاڭالىقتار

سىبايلاس جەمقورلىققا قارسى كۇرەس اگەنتتىگى ءوز كاسىپوداعىن قۇردى

13 ماۋسىم 22:32 292
:ءبولىسۋ
سىبايلاس جەمقورلىققا قارسى كۇرەس اگەنتتىگى ءوز كاسىپوداعىن قۇردى

استانا. قازاقپارات - ق ر مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگىندە كاسىپوداق قۇرىلدى، دەپ حابارلايدى قازاقپارات ءتىلشىسى.

اگەنتتىك اپپاراتىنىڭ جەتەكشىسى سايان احمەتجانوۆتىڭ ايتۋىنشا، اتالعان باستامانى قىزمەتكەرلەر وزدەرى كوتەردى. اگەنتتىك باسشىسى وعان ارالاسقان جوق. «مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگىنىڭ نەگىزگى ميسسياسى - كاسىبي مەملەكەتتىك اپپاراتتى قۇرۋ. ال كاسىبي مەملەكەتتىك اپپاراتتى قۇرۋ ماسەلەسى ەڭبەك قۇقىقتارىن ساقتاۋمەن تىكەلەي بايلانىستى. سوندىقتان اگەنتتىكتە كاسىپوداقتىڭ قۇرىلعانى ورىندى دەپ سانايمىز. ونى اگەنتتىكتىڭ ءبىر توپ قىزمەتكەرى ءوز باستاماسىمەن قۇرىپ وتىر. وعان باسشىلىق تا، باسقالار دا ارالاسقان جوق. ءبىز قارسىلىق تا بىلدىرگەن جوقپىز. ويتكەنى ول - ءاربىر ازاماتتىڭ جەكە قۇقىعى. ەلباسى ايتقانداي، كاسىپوداق - ول تۇراقتىلىقتىڭ تىرەگى. سول سەبەپتى كاسىپوداق تۇراقتىلىقتىڭ كۇشەيۋىنە، مەملەكەتتىك قىزمەتتىڭ اشىقتىعى مەن ادىلەتتىگىن ساقتاۋعا ءوز ۇلەسىن قوسادى دەگەن ءۇمىت بار»، - دەدى س. احمەتجانوۆ استانادا وتكەن باسپا ءسوز ءماسليحاتىندا.

ونىڭ سوزىنە قاراعاندا، الداعى ۋاقىتتا كاسىپوداققا كىرگەن قىزمەتكەرلەر ساناتورلىق- كۋرورتتىق دەمالىسقا بارا الادى. ماتەريالدىق كومەك تە بولادى. «اتالعان قۇرىلىم مەريتوكراتيا نەگىزدەرىن كۇشەيتىپ، قىزمەتكەرلەردىڭ قۇقىقتارىن جان- جاقتى قورعاسا، قۇبا-قۇپ. ءبىز ونداي باستامالاردى قولدايمىز»، - دەپ اتاپ س. اxمەتجانوۆ.

ايتا كەتەيىك، الداعى ۋاقىتتا قر مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگى ءوز قىزمەتكەرلەرى ءۇشىن يكەمدى جۇمىس كەستەسىن ەنگىزۋدى جوسپارلاپ وتىر. اتالعان باستاما وڭ ناتيجە بەرسە، ونداي كەستە بارلىق مەملەكەتتىك ورگاندارعا تاراتىلادى.

 


باستى سوزدەر: بيلئك جانة ساياسات,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات