+7 (701) 759 90 19 Лента
25 °С : استانا
25 °С : الماتى
USD 339.95 EUR 392.64
RUB 5.30 CNY 52.51
جاڭالىقتار

سىرتقى ىستەر مينيسترلىگى سينگاپۋرداعى سامميت قورىتىندىلارى بويىنشا مالىمدەمە جاسادى

13 ماۋسىم 21:27 170
:ءبولىسۋ
سىرتقى ىستەر مينيسترلىگى سينگاپۋرداعى سامميت قورىتىندىلارى بويىنشا مالىمدەمە جاسادى

استانا. قازاقپارات - 2018 -جىلعى 12 -ماۋسىمداعى سينگاپۋر قالاسىنداعى سامميت قورىتىندىلارى بويىنشا قازاقستان رەسپۋبليكاسى سىرتقى ىستەر مينيسترلىگى مالىمدەمە جاسادى، دەپ حابارلايدى قازاقپارات سىرتقى ساياسي ۆەدوموستۆونىڭ باسپا ءسوز قىزمەتىنە سىلتەمە جاساپ.

«قازاقستان رەسپۋبليكاسى امەريكا قۇراما شتاتتارىنىڭ پرەزيدەنتى د. ترامپ جانە كورەي حالىق دەموكراتيالىق رەسپۋبليكاسى مەملەكەتتىك كەڭەسىنىڭ ءتوراعاسى كيم چەن ىننىڭ 2018 -جىلعى 12 -ماۋسىمدا سينگاپۋر قالاسىندا وتكەن كەزدەسۋىن قولدايدى جانە مەملەكەتتەردىڭ ەكىجاقتى قاتىناستاردى رەتتەۋ بويىنشا كۇشتەرىن جوعارى باعالايدى.

اتالعان ءسامميتتى ۆاشينگتون مەن پحەنيان اراسىنداعى سەنىمدى نىعايتۋعا، سونداي-اق ك ح د ر مەن حالىقارالىق قوعامداستىق اراسىنداعى قاتىناستاردى قالىپقا كەلتىرۋگە مۇمكىندىك بەرەتىن ماڭىزدى تاريحي وقيعا رەتىندە قاراستىرامىز.

ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى جانە يادرولىق قارۋدان ازات الەمدى قۇرۋدى قولدايتىن مەملەكەت رەتىندە قازاقستان مۇددەلى مەملەكەتتەردىڭ كەلىسسوز پروتسەسىن جالعاستىرۋ جونىندەگى كۇشتەرىن قولدايدى جانە ايماقتاعى بەيبىتشىلىك پەن تۇراقتىلىقتى قامتاماسىز ەتۋ ماقساتىندا سولتۇستىك كورەيانىڭ يادرولىق قارۋسىزدانۋى بويىنشا ناقتى ءوزارا ءتيىمدى جانە قولايلى جاعدايلاردى جاساۋعا ۇمىتتەنەدى»، - دەلىنگەن مالىمدەمەدە.

«بۇل تۇرعىدا استانا پحەنياننىڭ يادرولىق قارۋدى جويۋعا دەگەن ۇمتىلىسىن جوعارى باعالايدى جانە الەمدەگى ءتورتىنشى يادرولىق الەۋەتتەن ءوز ەركىمەن باس تارتىپ، ەڭ ءىرى يادرولىق سىناق ورىندارىنىڭ ءبىرىن جاپقان سونداي-اق يادرولىق قارۋدى تاراپتاۋ جانە يادرولىق سىناقتارعا جاپپاي تايىم سالۋ شارتى اياسىندا بەلسەندى جۇمىسى ارقىلى جاھاندىق يادرولىق قارۋدى تاراتپاۋ رەجيمىن نىعايتۋعا ەلەۋلى ۇلەس قوسقان قازاقستاننىڭ جولىن تاڭداۋعا شاقىرادى.

قازاقستان سولتۇستىك كورەيا داعدارىسى تەك بەيبىت تۇردە رەتتەلۋ سيپاتىنا يە ەكەندىگىنە سەنىم ءبىلدىرىپ، بارلىق مۇددەلى تاراپتاردى كورەي تۇبەگىن يادرولىق قارۋسىزداندىرۋ جونىندەگى كەلىسسوزدەر پروتسەسىن قولداۋعا شاقىرادى».


باستى سوزدەر: الةم, ئقپالداستئق,
:ءبولىسۋ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات