+7 (701) 759 90 19 Лента
18 °С : استانا
35 °С : الماتى
USD 360.12 EUR 409.67
RUB 5.33 CNY 52.34
جاڭالىقتار

مەملەكەتتىك قىزمەتشىلەردىڭ جۇمىس ۋاقىتى وزگەرەدى

13 ماۋسىم 18:28 582
:ءبولىسۋ
مەملەكەتتىك قىزمەتشىلەردىڭ جۇمىس ۋاقىتى وزگەرەدى

 استانا. قازاقپارات - ق ر مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگى ءوز قىزمەتكەرلەرى ءۇشىن يكەمدى جۇمىس كەستەسىن ەنگىزۋدى جوسپارلاپ وتىر.

 اتالعان باستاما وڭ ناتيجە بەرسە، ونداي كەستە بارلىق مەملەكەتتىك ورگاندارعا تاراتىلادى، دەپ حابارلايدى قازاقپارات ءتىلشىسى.

«وزگەرىستەردى وزىڭنەن باستا» باعدارلاماسىنىڭ باس مەنەدجەرى شىڭعىس تورەگەلديننىڭ ايتۋىنشا، جۇمىس كەستەسىن وزگەرتۋگە قاتىستى ارنايى ساۋالناما جۇرگىزىلگەن بولاتىن. سول كەزدە اگەنتتىك قىزمەتشىلەرىنىڭ 70 پروتسەنتى جۇمىس كەستەسىن وزگەرتۋدى سۇرادى. بىرەۋلەر جۇمىستىڭ باستالۋ ۋاقىتىن ءسال شەگەرۋدى وتىنسە، ەندى بىرەۋلەر تۇسكى ءۇزىلىستى ۇزارتۋ قاجەتتىگىن جەتكىزدى. وسىعان بايلانىستى اگەنتتىك قىزمەتشىلەرى ءۇشىن جۇمىس ۋاقىتىن وزگەرتۋ تۋرالى شەشىم قابىلداندى. الايدا 8 ساعاتتىق جۇمىس كۇنى ساقتالادى. سوسىن اتالعان باستامانى ازىرشە پيلوتتىق جوبا ۇلگىسىندە قولعا الىنادى.

 «ءبىز مەكتەپكە دەيىنگى جاستاعى جانە باستاۋىش سىنىپتا وقيتىن بالالارى بار اگەنتتىك قىزمەتشىلەرى ءۇشىن جۇمىس كۇنىن 9:30 عا بەلگىلەۋدى ۇسىندىق. سوندا 1,5 ساعاتتىق تۇسكى ءۇزىلىستى ساناعاندا ولاردىڭ جۇمىس ۋاقىتى 19:00 گە دەيىن سوزىلادى. سول سياقتى تۇسكى ءۇزىلىستى ۇزارتۋدى سۇراعاندار قوسىمشا جارتى ساعات السا، ولاردىڭ جۇمىس كۇنى دە 19:00 گە دەيىن بولادى. قالعان قىزمەتشىلەر ءۇشىن قولدانىستاعى جۇمىس كەستەسى (9:00-18:30) قالا بەرەدى. اتالعان وزگەرىستەر جۇمىس تيىمدىلىگىنە كەدەرگى جاساماي، ۇجىمداعى مورالدىق- پسيحولوگيلىق كليماتقا وڭ اسەرىن تيگىزەدى دەپ ويلايمىز. بۇل باستاما اگەنتتىكتە، سونداي- اق ق ر ينۆەستيتسيالار جانە دامۋ مينيسترلىگىندە سىناقتان وتەدى. ءبىز ونى قىركۇيەك ايىندا باستايمىز» ، - دەدى ش. تورەگەلدين استانادا وتكەن باسپا ءسوز ءماسليحاتىندا.

 

اۆتور: ارمان اسقاروۆ


:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049
رەداكتور
باقىتجول كاكەش
باقىتجول كاكەش
954-049
مۇراعات